20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
ԱՆ-ն բացասական եզրակացություն է տվել ԲՀԿ-ն լքած պատգամավորների նախագծին
Քաղաքականություն
17.03.2021 | 21:59
Ազգային ժողովի «Բարգավաճ Հայաստան» խմբակցությունը լքած պատգամավորներ Տիգրան Ուրիխանյանը և Սերգեյ Բագրատյանը հեղինակել են նախագիծ, որով առաջարկում են ԱԺ Կանոնակարգ սահմանադրական օրենքում փոփոխություններ կատարել և խմբակցություններից դուրս եկած, բայց անկախ գործունեություն ծավալող պատգամավորներին իրենց դիմումի համաձայն ընդգրկել միջազգային խորհրդարանական կազմակերպությունների, միջխորհրդարանական հանձնաժողովների, Ազգային ժողովի պատվիրկոթյունների և Ազգային ժողովի բարեկամական խմբերի կազմում:
Արդարադատության նախարարությունը, սակայն, բացասական եզրակացություն է տվել՝ նշելով, որ նախագծի ընդունման անհրաժեշտությունը բացակայում է:
Հիշեցնենք՝ ԱԺ-ում կա 9 անկախ պատգամավոր․ «Իմ քայլը» լքած Թագուհի Թովմասյանը, Սոֆյա Հովսեփյանը, Աննա Գրիգորյանը, Վարդան Աթաբեկյանը, Գոռ Գևորգյանը, ԲՀԿ-ն լքած Տիգրան Ուրիխանյանը, Սերգեյ Բագրատյանը, Գևորգ Պետրոսյանը և ԼՀԿ-ից հեռացած Արման Բաբաջանյանը:
Նարեկ Կիրակոսյան
