23.11.2024 | 14:29
ՆԱՏՕ-ի ղեկավար Մարկ Ռյուտեն բանակցություններ է վարել Դոնալդ Թրամփի հետ
Չկա Հայաստանում մի արցախցի, ով կացարանի խնդիր ունի. սոցապնախարար. ՏԵՍԱՆՅՈՒԹ
Հասարակություն
17.03.2021 | 14:30
«Հասել ենք այն փուլին, որ այս պահին արդեն նախանշվում է արցախցիների վերադարձի ապահովումը դեպի Արցախի Հանրապետություն: Այդ ուղղությամբ ՀՀ-ի և ԱՀ-ի կառավարությունները համատեղ քայլեր են իրականացնում»,- այս մասին ԱԺ առողջապահության և սոցիալական հարցերի մշտական հանձնաժողովի նիստում նշեց ՀՀ աշխատանքի և սոցիալական հարցերի նախարար Մեսրոպ Առաքելյանը:
«Վերաբնակեցման մասով այս պահին արդեն սկսվել է առաջին ծրագիրը, գյուղական համայնքերում մոտ 100 տուն է վերականգնվում և արդեն մի քանի տասնյակ ընտանիքներ վերադարձել են Արցախ. իրենց բնակարանները վերանորոգված և կահավորված հանձնվում են արցախցիներին: Այդ ուղղությամբ աշխատանքները առաջիկայում ավելի մեծ տեմպերով կիրականացվեն: Մեր նպատակն է օր առաջ պայմաններ ապահովել Արցախում, ոչ թե Հայաստանում»,- նշեց Առաքելյանը:
«Այս պահին 30 հազար արցախցիներից պետական կացարաններում բնակվում է 2000 քաղաքացի, ունենք միջոցառում, որի շրջանակում մարդիկ տուն են վարձում և դրա դիմաց ստանում են փոխհատուցում… Չկա Հայաստանում մի արցախցի, ով կացարանի խնդիր ունի»,- վստահեցրեց սոցապնախարարը:
Մանրամասները՝ տեսանյութում:
