19.11.2024 | 12:19
Բաքուն արձագանքել է ԵԽ-ի՝ ԼՂ-ից տեղահանված հայերի վերադարձի համար պայմաններ ստեղծելու կոչին
Մեր ողբերգությունը մաֆիան և 5-րդ շարասյունն են․ եթե չոչնչացնենք դրանց, դատապարտվածն ենք․ Լևոն Շիրինյան. ՏԵՍԱՆՅՈՒԹ
Քաղաքականություն
16.03.2021 | 19:31
Factor TV-ի հարցազրույցը Հայաստանի Քրիստոնեա-ժողովրդավարական կուսակցության նախագահ Լևոն Շիրինյանի հետ
-Պարո՛ն Շիրինյան, 100 տարի առաջ այս օրը՝ մարտի 16-ին, առանց Հայաստանի կարծիքը հաշվի առնելու Ռուսաստանն ու Թուրքիան կնքեցին Մոսկվայի պայմանագիրը, որով մե՝ր պատմական տարածքները ռուսները նվիրաբերեցին թուրքերին։ Գրեթե 100 տարի անց՝ 2020-ի աշնանը, կրկին Ռուսաստանի և Թուրքիայի ձեռամբ հայ ժողովուրդը տարածքային կորուստ ունեցավ, այս անգամ՝ Ղարաբաղում։ Ինչո՞ւ կրկին ոտնահարվեցին Հայաստանի շահերը, մենք ունա՞կ ենք սպասարկելու մեր շահերը՝ որպես անկախ և ինքնիշխան պետություն։
-Բնական է, որ ուժերը խիստ անհավասար են, և հայությունը պատրանք ունի պետական շահի ընկալման իմաստով Ռուսաստանի տեսակետի հանդեպ, բայց մեր ողբերգությունը 5-րդ շարասյունն ու մաֆիան են։ Եթե Հայաստանը չոչնչացնի 5-րդ շարասյունը և կոռուպցիոն այս համակարգը, մենք դատապարտված ենք ընդմիշտ։ Այստեղից է գալիս նաև ժողովրդական քվեով առաջացած նոր իշխանության և նրա ղեկավարի հանդեպ կատաղի պայքարը՝ լուտանքը բերաններին, որ կոորդինացվում է ներսից և դրսից՝ Բաքու, Մոսկվա, Երևան։ Գրոհ է գնում։
-Չափազանցված չէ՞ արտաքին հետք տեսնելը ներքաղաքական այս պայքարում։
-Ես ներքին մասն ասացի՝ դա 5-րդ շարասյունն է, և հիշեցրի նաև կոռուպցիոն համակարգը, բայց նրանք միջազգային համագործակցություն ունեն՝ Բաքու-Մոսկվա-Երևանի հայտնի հատվածը և նաև՝ Անկարա ինչ-որ տեղ։ Հիմա իմ խոսքը ներքինի մասին է, որը միջազգային կապերի մեջ է։ Դրա համար հայ ժողովուրդը, ինչ էլ լինի, պետք է պաշտպանի իր քվեն և պետք է պաշտպանի ժողովրդական իշխանությունը։ Եվ ես կարող եմ ասել հետևյալը, որ բազմահազար իմ համակիրներով՝ նոր ձևավորվող Քրիստոնեա-ժողովրդավարական կուսակցությունով, և անձամբ իմ նախաձեռնությամբ՝ մենք պաշտպանում ենք հեղափոխության իդեալները և վարչապետին՝ անկախ նրա սխալներից, պաշտպանելու ենք։ Հայաստանի անկախության և պետականության, ժողովրդի հետագա անվտանգության հարցը կապված է այս կուրսի շարունակության հետ։
-Ռուսաստանն այսօր պատրա՞ստ է Հայաստանի հետ իրական գործընկերության՝ իրավահավասարության սկզբունքով։
-Պատրաստ չի, սովորում է։ Եթե ժողովրդի աջակցությունը չլիներ պատերազմից հետո գործող իշխանությանը, իմացեք, որ վաղուց Հայաստանում հեղաշրջումը հաջողվել էր։ Երբ ինչ-որ ամբոխ գրոհում էր կառավարության և խորհրդարանի շենքերը, մարդասպանություն կլիներ, հարցը կփակեին, և Վազգեն Մանուկյանը կարիք չէր ունենա բստրել խառնակչություններ՝ կրակը թեժ պահելու համար, հարցը փակված կլիներ, և այս պրոցեսը չէր գնա։ Դա նշանակում է, որ Ռուսաստանը չի կարող հաշվի չառնել։ Եվ, ընդհանրապես, շատ դժվար է ժողովրդի աջակցություն ունեցող կառավարությանը տապալել։ Բայց այդ կառավարությունն այնքան զգայուն պետք է լինի, որ ժողովրդի աջակցությունը հանկարծ չկորցնի։ Իսկ ժողովրդի աջակցությունը կկորցնի իշխանությունը, եթե ռեֆորմներ չանի։
Հարցազրույցն ամբողջությամբ՝ տեսանյութում։
Ռոբերտ Անանյան
