17.09.2026 | 13:45
Թրամփը սպառնում է ԵՄ-ի հետ առևտրի դադարեցմամբ՝ Կանադայի հետ մերձեցման պատճառով
Իշխող ուժից մոռանում են՝ ում շնորհիվ են քաղաքական դաշտում. Հովսեփյանը՝ Տեր-Պետրոսյանին քննադատողներին. ՏԵՍԱՆՅՈՒԹ
Քաղաքականություն
16.03.2021 | 18:02
Ցանկացած այլակարծություն այսօր քննդատության է արժանանում, սպասելի էր իշխող ուժի կողմից քննադատությունը: Այս մասին Factor.am-ի հետ զրույցում նշեց ԱԺ պատգամավոր Սոֆյա Հովսեփյանը՝ անդրադառնալով առաջին նախագահ Լևոն Տեր-Պետրոսյանի վերջին հայտարարությանը և այդ առնչությամբ նրան ուղղված լայնածավալ քննադատություններին:
Հիշեցնենք, որ առաջին նախագահ Լևոն Տեր-Պետրոսյանը հայտարարարությամբ է հանդես եկել, որով առաջարկում է իրավիճակի հանգուցալուծում՝ նշելով, որ վարչապետ Նիկոլ Փաշինյանը պետք է հրաժարական տա և ապաստան խնդրի որևէ երկրում, իսկ ՀՀ-ում ժամանակավոր կառավարիչ պետք է ընտրվի անկուսակցական փոխվարչապետը:
«Իշխող ուժից մոռանում են՝ ում շնորհիվ են քաղաքական դաշտում, մոռանում են, թե որպես քաղաքական գործիչ ինչպես են կայացել, և առհասարակ ում ջանքերի շնորհիվ է, որ այսօր քաղաքականության մեջ ներկայացված են,- նշեց Հովսեփյանը: – Կապ չունի, թե ես որքանով եմ Տեր-Պետրոսյանին ընդունում կամ չեմ ընդունում, կարծում եմ, որ իշխող ուժը չպետք է այնքան կորցնի իր գիտակցությունը, որ այդպիսի կոշտ վերաբերմունք դրսևորի նրա նկատմամբ, գոնե խոսելիս շատ զուսպ պետք է լինեն:
Ինչ վերաբերում է Տեր-Պետրոսյանին, նրա հայտարարության մեջ կա տրամաբանություն»:
Մանրամասները՝ տեսանյութում:
