01.11.2024 | 23:19
Հրդեհ Գյումրու տներից մեկում
Վճռաբեկ դատարանի դատավորի ընտրությունը չի տապալվել. Ռուստամ Բադասյան. ՏԵՍԱՆՅՈՒԹ
Քաղաքականություն
16.03.2021 | 14:10
«Որևէ անձից ձերբազատվելու որևէ խնդիր երբևէ չենք հետապնդում, իսկ Ռուբեն Վարդազարյանի հայտարարությունը, մեր գնահատմամբ, ունեցել է քաղաքական բնույթ»,-խորհրդարանում լրագրողների հետ ճեպազրույցում այսօր ասաց ՀՀ արդարադատության նախարար Ռուստամ Բադասյանը՝ անդրադառնալով հարցին, թե իշխանությունը ԲԴԽ նախագահ Ռուբեն Վարդազարյանից ազատվելու խնդի՞ր ունի, որով պայմանավորված՝ վերջերս «Իմ քայլը» չընտրեց վճռաբեկ դատարանի դատավորների երկու թեկնածուներին։
Հիշեցնենք, որ «Իմ քայլը» խմբակցությունը թեկնածուների մասին դրական կարծիք արտահայտեց, բայց, պայմանավորված Ռուբեն Վարդազարյանի վարքով և նրա՝ նոյեմբերի 15-ի հայտարարությամբ, դեմ քվեարկեց թեկնածուներին:
Ռուստամ Բադասյանը նաև ընդգծեց, որ համաձայն չէ այն տեսակետի հետ, թե իշխանական խմբակցությունը տապալել է Վճռաբեկ դատարանի երկու դատավորների ընտրության հարցը․ «Թեկնածությունների հարցը դեռ կքննարկվի։ Չեմ կարող ասել երբ, բայց չափազանցնում եք, երբ խոսում եք տապալելու մասին։ Այո, չեն ընտրել և մեկնաբանել են, որ խնդիրը թեկնածուների հետ չի կապված»։
Մանրամասները՝ տեսանյութում:
