29.04.2026 | 10:20
Դրամն արժևորվել է․ արտարժույթների փոխարժեքները՝ ապրիլի 29-ի դրությամբ
ԿԳՆ-ում քննարկվել է Հայաստանում արաբերեն լեզվի ուսուցման հարցը
Հասարակություն
02.02.2018 | 19:16
ՀՀ կրթության և գիտության նախարար Լևոն Մկրտչյանն այսօր ընդունել է Լիբանանի Հանրապետության արտակարգ և լիազոր դեսպան Մայա Դաղերին:
Ողջունելով հյուրին՝ Լևոն Մկրտչյանն ընդգծել է, որ բարեկամ Լիբանանը մշտապես եղել է հայկական սփյուռքի կարևորագույն կենտրոններից մեկը, որտեղ իր ծանրակշիռ տեղն ունի կրթական հաստատություններից՝ Բեյրութի Հայկազյան համալսարանը:
ՀՀ ԿԳ նախարարը և Լիբանանի դեսպանը քննարկել են կրթության տարբեր աստիճաններում համագործակցության ամրապնդման ու հետագա զարգացման հնարավորություններն ու ներուժը:
Տիկին Դաղերը պատրաստակամություն է հայտնել քայլեր ձեռնարկել կրթության ոլորտում հայ-լիբանանյան կապերի ամրապնդման ու խորացման համար:
Հանդիպման ընթացքում անդրադարձ է եղել նաև Հայաստանում արաբերեն լեզվի ուսուցման և երկկողմ հետաքրքրություն ներկայացնող այլ հարցերի:
