19.12.2025 | 18:58
Ադրբեջանի խորհրդարանը հաստատել է երկրի պատմության մեջ ամենամեծ համաներումը
Արմեն Սարգսյանի Մոսկվա այցի ընթացքում ՌԴ պաշտոնական վերնախավի հետ հանդիպումներ չեն լինի
Քաղաքականություն
01.02.2018 | 16:04
ՀՀԿ-ի առաջադրած նախագահի թեկնածու Արմեն Սարգսյանն այսօր մեկնել է Մոսկվա, հայկական սփյուռքի հետ հանդիպելու։ Արմեն Սարգսյանի գրասենյակից հայտնում են, որ Մոսկվայում նա հանդիպում կունենա ՌԴ մայրաքաղաքի հայ համայնքի ներկայացուցիչների հետ, ապա Ռուսաստանի մյուս քաղաքների հայ համայնքների հետ:
Ինչո՞ւ է առաջինը Ռուսաստանը ընտրվել, այցելելու է նա արդյո՞ք այլ երկրների հայ համայնքներ և երբ. Factor.am-ի հարցին թեկնածուի գրասենյակի մամուլի պատասխանատու Հասմիկ Պետրոսյանը պատասխանեց․ «Արմեն Սարգսյանը սկսել է իր հանդիպումները սփյուռքի հետ Ռուսաստանից, նկատի առնելով, որ այստեղ ամենամեծ հայ համայնքն ունենք: Էլի հանդիպումներ կունենա, որոնց մասին լրացուցիչ կտեղեկացնենք։ Ժամանակացույցը հայտնի է, ուղղակի ճշտելու հարցեր կան»։
Իսկ հարցին, թե արդյոք ոչ պաշտոնական հանդիպումներ նախատեսվա՞ծ են Ռուսաստանի վերնախավի՝ պետական, քաղաքական գործիչների կամ կառավարության անդամների հետ, Հասմիկ Պետրոսյանը նշեց․ «Նման հանդիպումներ նախատեսված չեն»։
