03.04.2025 | 09:44
Թրամփը ՀՀ-ի համար 10 % մաքսատուրք է սահմանել․ ԱՄՆ-ն «առևտրային պատերազմ» է հայտարարում ամբողջ աշխարհին
ԵՐԵՎԱՆԻ ԺԱՄԱՆԱԿՈՎ․ Ասել՝ վերջ թավիշին, նշանակում է հայտարարել թավշյա տեռոր. Վահան Արծրունի․ ՏԵՍԱՆՅՈՒԹ
Քաղաքականություն
03.03.2021 | 21:46
«Այն, ինչ կատարվեց թավիշի հետ, նույնը կատարվել է հարյուր տարի առաջ. ես դա բնորոշում եմ որպես նեոբոլշևիզմ: Ասել՝ վերջ թավիշին, նշանակում է հայտարարել կարմիր տեռոր, թավշյա տեռոր: Թավիշը՝ որպես հայեցակարգ, քաղաքական եզրույթ և կառավարման ձև, վաղուց իրեն սպառել էր, բնական է, որ այն պետք է փոխարինվեր նոր բանով: Թավիշը գրեթե կանգնած է դիկտատուրայի եզրին, իսկ դիկտատուրայի անցնում են միայն տեռորի միջոցով»,- Factor.am-ի հետ զրույցում նման տեսակետ է հայտնում երգիչ, երգահան Վահան Արծրունին՝ անդրադառնալով ՀՀ վարչապետ Նիկոլ Փաշինյանի այն հայտարարությանը, թե այսուհետ թավիշին վերջ կտրվի ու կլինի օրինականության հաստատում:
Երգահանի համոզմամբ՝ թավիշը նախորդ բոլոր վարչակազմերի գործունեության տրամաբանական շարունակությունն է:
«Եթե դուք չեք կարող արձանագրել ձեր խոստումներից որևէ մեկի կատարումը, ի՞նչ եք անում իշխանության ղեկին»,- դիմելով իշխանությանը՝ ասում է Արծրունին:
Ինչ վերաբերում է վարչապետի պնդմանը, թե այս իշխանության սխալների մեծագույն պատճառներից մեկը սիրված լինելն է եղել, երգահանը նկատում է. «Չեն եղել սխալներ, եղել է գլոբալ սուտ՝ սկսած խոստումներից՝ սահմանադրական փոփոխությունների, վեթթինգի հետ կապված, մինչև թափանցիկություն Արցախի հարցում»:
Վահան Արծրունին այն կարծիքին է, որ քաղաքական դաշտում կա երկու բանաձևված ցանկություն․ մեկն ուզում է ամեն գնով պահել իշխանությունը, մյուսը՝ իշխանազրկել նրան. «Օրակարգում ո՛չ սոցիալական արդարություն հաստատելու, ո՛չ տնտեսական ճգնաժամից դուրս գալու, ո՛չ միջազգային հարաբերությունները կարգի բերելու հարց չկա դրված։ Կա մեկ խնդիր՝ ով է իշխանավորելու»:
Հարցազրույցն ամբողջությամբ՝ տեսանյութում։
Աննա Բաբաջանյան
