17.09.2026 | 11:25
Մեզ համար ավելի լավա պարտվել ոչ դաշնակցական ուժի, քան հաղթել դաշնակցական ուժին. Եղոյան․ ՏԵՍԱՆՅՈՒԹ
Իրավիճակին ավելի լավ տիրապետում են մեր խաղաղապահները․ Զախարովան՝ ռազմագերիներին վերադարձնելու մասին. ՏԵՍԱՆՅՈՒԹ
Քաղաքականություն
26.02.2021 | 17:36
ՌԴ ԱԳՆ պաշտոնական ներկայացուցիչ Մարիա Զախարովան իր ամենշաբաթյա ճեպազրույցի ժամանակ անդրադարձել է ՀՀ-ում ստեղծված իրավիճակին, խոսել է զոհվածների աճյունների որոնման աշխատանքների դադարեցման մասին ու Իլհամ Ալիևի կողմից իբրև թե բոլոր ռազմագերիներին վերադարձնելու հայտարարության մասին։ Զախարովան այս հարցերի պատասխանները ստանալու համար խորհուրդ է տվել դիմել տեղում աշխատող ռուս խաղաղապահներին, ովքեր ըստ նրա՝ ավելի լավն են տիրապետում իրավիճակին։
«Իրավիճակին ավելի լավ տիրապետում են մեր տեղում աշխատող խաղաղապահները, այնպես որ խորհուրդ կտամ դիմել նրանց։ Մեր տեղեկություններով՝ անցյալ տարվա նոյեմբերի 13-ից ի վեր փոխանցվել է 1684 զինծառայողի մարմին. հայկական կողմին է փոխանցվել 1374-ը, ադրբեջանական կողմին՝ 310-ը»,- հայտարարել է Զախարովան։
Անդրադառնալով ՀՀ-ում ստեղծված իրավիճակին, վերջինս այն որակել է որպես ՀՀ ներքին գործ և նշել, որ այդ մասին արդեն իսկ բավականին հայտարարություններ են հնչել ՌԴ բարձրաստիճան պաշտոնյաների կողմից։
Պատասխանելով Ալիևի՝ իբրև թե բոլոր հայ ռազմագերիներին հայկական կողմին վերադարձնելու հայտարարությանը՝ Զախարովան կրկին խորհուրդ է տվել դիմել տեղում աշխատող ռուս խաղաղապահներին, ովքեր ամեն օր աշխատում են այդ ուղղությամբ։
Մանրամասները՝ տեսանյութում:
Տաթև Ֆռանգյան
