07.05.2024 | 11:41
Կիրանց բնակավայրից 1800 մ հյուսիս տեղի է ունենալու պայթեցման աշխատանք․ ՀՀ ՊՆ
Վերականգնվել է Լաչինի ՀԷԿ-ի աշխատանքը
Քաղաքականություն
25.02.2021 | 11:07
Ռուսաստանի, Հայաստանի ու Ադրբեջանի ղեկավարների միջև 2020 թվականի նոյեմբերի 9-ին ձեռք բերված եռակողմ հայտարարության հիման վրա ռուս խաղաղապահները շարունակում են օգնել Լեռնային Ղարաբաղում խաղաղ կյանքի վերականգնման հարցում։ Այս մասին հայտնում են ՌԴ ՊՆ-ից։
Տեղեկացվում է, որ ավելի վաղ ձեռք բերված պայմանավորվածությունների համաձայն՝ Լաչինի հիդրոէլեկտրակայանի մեքենայական սենյակը հայտնվել է ռուս խաղաղապահների պատասխանատվության գոտում, իսկ հիդրոէլեկտրակայանի ամբարտակը՝ Ադրբեջանի վերահսկողության տակ անցած տարածքում։
ՌԴ ՊՆ-ից հայտնում են, որ ռուս խաղաղապահ զորախմբի միջնորդությամբ վերականգնվել է ՀԷԿ-ի աշխատանքը։ Ռուս խաղաղապահներն ապահովում են էներգետիկների անվտանգ ու անխոչընդոտ մուտքը հիդրոէլեկտրակայան՝ սպասարկման աշխատանքներ կատարելու համար։ Սա թույլ է տալիս ապահովել հոսանքի մատակարարում հարակից բնակավայրեր, ինչպես նաև Ստեփանակերտ։
Տաթև Ֆռանգյան
