17.05.2026 | 15:20
Քարոզարշավի 10-րդ օրն ունենք 1 զոհ, 10 ձերբակալված, բազմաթիվ քրեական գործեր․ Ագնեսա Խամոյան․ ՏԵՍԱՆՅՈւԹ
«Հարավկովկասյան երկաթուղի» ընկերությունից արված գողությունը բացահայտվել է
Հասարակություն
18.02.2021 | 23:01
Փետրվարի լույս 13-ի գիշերը ոստիկանության Իջևանի բաժնի ծառայողներն օպերատիվ տեղեկություններ ստացան, որ «Հարավկովկասյան երկաթուղի» ընկերության հովացման արկղերից երկու տղամարդ գողություն են արել։
Ըստ տեղեկությունների՝ նրանք «Մերսեդես» մակնիշի մեքենայով ընթանում են Իջևանից Դիլիջան տանող ճանապարհով։ Իջևանի ոստիկանները 46 ու 34 տարեկան տղամարդկանց հայտնաբերեցին ու, մեքենայով հանդերձ, բերման ենթարկեցին բաժին։ Մեքենայի զննությամբ հայտնաբերվեց գողոնը։
Հետագա միջոցառումներով պարզվեց նաև, որ բերման ենթարկվածներից ավագը Խաշթառակ գյուղի երկու տնից ևս գողություն է արել՝ տուժողներին պատճառելով՝ ընդհանուր 400 հազար դրամի վնաս։ Դեպքերի հանգամանքները քննությամբ պարզվում են։
