18.04.2026 | 10:23
Վաղը Նուբարաշենից Բարձրաշեն ճանապարհը ժամանակավորապես կփակվի
Հայտնի է, թե երբվանից և ովքեր կարող են պատվաստվել. նախարար․ ՏԵՍԱՆՅՈՒԹ
18.02.2021 | 12:42
Հայաստանում կորոնավիրուսի դեմ պատվաստումները նախատեսվում է սկսել արդեն մարտին: Պատվաստումները կիրականացվեն կամավոր հիմունքներով: Այս մասին լրագրողների հետ զրույցում ասաց ՀՀ առողջապահության նախարար Անահիտ Ավանեսյանը:
Պատվաստանյութը ռիսկային խմբերի քաղաքացիների համար կլինի անվճար, իսկ թե որքան կարժենա պատվաստանյութը մյուս քաղաքացիների համար, դեռ հայտնի չէ:
«Նախարարի հրամանով հաստատվել է ռիսկային խմբերի ցանկը, որտեղ ներառված են 65 տարին լրացած քաղաքացիները, բուժաշխատողները, քրոնիկ հիվանդություններ ունեցողները, փակ հաստատությունների աշխատակիցներն ու շահառուները: Երեխաները պատվաստման ծրագրի մեջ ընդգրկված չեն»,- նշեց նախարարը:
Ըստ նրա` Հայաստանում փոքր թվով պատվաստանյութեր արդեն օգտագործվել են. մասնավորապես, մի քանի մարդ պատվաստվել է Ռուսաստանի Դաշնությունից նվեր ստացած «Sputnik-V» դեղամիջոցով: Մոտ ապագայում Հայաստանն ավելի շատ դեղամիջոցներ կստանա և կկարողանա սկսել պատվաստումները բնակչության ավելի լայն շրջանակների համար:
Մանրամասները՝ տեսանյութում:
