08.10.2026 | 14:53
Թուրքական պաշտպանական ընկերությունը փակում է Ադրբեջանում իր մասնաճյուղը
Խաբում են՝ ասելով չկա հանրային պահանջ կամ ընդդիմության աջակցություն ընտրությունների հարցում․ Տոնոյան. ՏԵՍԱՆՅՈՒԹ
Քաղաքականություն
09.02.2021 | 17:03
Խաբում են՝ ասելով չկա հանրային պահանջ կամ ընդդիմության աջակցություն ընտրությունների հարցում: Ազգային ժողովում հայտարարությունների ժամին այս մասին ասաց ԲՀԿ խմբակցության պատգամավոր Իվետա Տոնոյանը՝ անդրադառնալով արտահերթ ընտրությունների մասին «Իմ քայլի» հայտարարությանը:
«Ես չեմ կարծում, որ իշխանությունն ունի հիշողության կորուստ, և հիշում է, թե ինչ էր ասել Գագիկ Ծառուկյանը՝ արտահերթ ընտրությունները կարող են լինել Նիկոլ Փաշինյանի հեռանալու պարագայում: Շատ ազնիվ կլիներ ասել, որ Նիկոլ Փաշինյանը պատրաստ չէ օրգանապես հրաժեշտ տալու վարչապետի աթոռին»,- նշեց նա:
Պատգամավորը հարց բարձրացրեց՝ ինչպե՞ս է իշխանությունն անցկացրել հանրային պահանջի վերաբերյալ հարցումները. «Ինչքա՞ն կարելի է ճշմարտության աչքերին չնայել և մտածել՝ ի՞նչ է եղել որ: Առանց զրահաբաճկոնի գնացեք Եռաբլուր, բայց դրա համար խիզախություն է պետք։ Բավ է ժողովրդի անունը շահարկելով՝ սեփական օրակարգն առաջ տանել»:
Մանրամասները՝ տեսանյութում:
