18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Շարունակում ենք տեսնել հովանավորչություններ․ Սամսոնյանը ներկայացրեց Աբովյանի թիվ 1 դպրոցի խնդիրը. ՏԵՍԱՆՅՈՒԹ
Հասարակություն
09.02.2021 | 17:00
Ազգային ժողովում հայտարարությունների ժամին «Լուսավոր Հայաստան» խմբակցության պատգամավոր Անի Սամսոնյանն անդրադարձավ Աբովյանի թիվ 1 դպրոցում կրթական պրոցեսի խաթարմանը:
«Ուսուցչական անձնակազմը դիմել է գործադուլի, աշակերտները հայտարարել են, որ դասադուլ են անելու: Նրանք պնդում են, որ մեկ տարի առաջ դպրոցի կառավարման կազմը թարմացվել է, և կառավարման խորհրդի անդամ են նշանակվել այն ժամանակվա Կոտայքի մարզպետ Ռոմանոս Պետրոսյանի ընտանիքի անդամները և մտերիմները»,- նշեց պատգամավորը:
Նա հարց բարձրացրեց՝ ինչո՞վ է պայմանավորված, որ դպրոցի տնօրենի վերաբերյալ որոշումը կայացվել է ոչ թե հօգուտ գործող տնօրենի, այլ հայոց լեզվի ուսուցչի։ «Նախարարությանը կոչ եմ անում առաջնորդվել միայն երեխայի լավագույն շահով: Շարունակում ենք տեսնել հովանավորչություններ: Հովանավորչությունը ևս կոռուպցիայի տարատեսակ է, և պաշտոնյաները պիտի զերծ մնան նման վարքագծից»,- ընդգծեց Սամսոնյանը:
Մանրամասները՝ տեսանյութում:
