17.09.2026 | 11:51
«Ասում ա՝ ղարաբաղցի ա ու տուն ունի, ոնց ես կարողացել փստցնես»․ Կարապետյանը՝ Փաշինյանի ելույթի մասին․ ՏԵՍԱՆՅՈՒԹ
ԱԱԾ պետական պահպանության ծառայության ղեկավարն ԱԺ-ում էր
Քաղաքականություն
05.02.2021 | 22:47
Այսօր Ազգային ժողովում էր պաշտպանության նախարար Վաղարշակ Հարությունյանը։ Նա հանդիպեց ԱԺ նախագահ Արարատ Միրզոյանի, «Իմ քայլը» խմբակցության ղեկավար Լիլիթ Մակունցի և ԱԺ պաշտպանության ու անվտանգության հարցերի մշտական հանձնաժողովի նախագահ Անդրանիկ Քոչարյանի հետ։
Նախարարը լրագրողների հարցերին չպատասխանեց։ Անդրանիկ Քոչարյանը Factor.am-ին ասաց, որ նախարարի հետ քննարկել են պետության անվտանգությանն առնչվող հարցեր։
Պաշտպանության նախարարից զատ, այսօր ԱԺ-ում էին նաև ԲԴԽ նորընտիր անդամ Գագիկ Ջհանգիրյանը և ԱԱԾ պետական պահպանության ծառայության ղեկավար Սարգիս Հովհաննիսյանը։
Գագիկ Ջհանգիրյանը Factor.am-ին փոխանցեց, որ խորհրդարան է եկել օրենքի նախագիծ քննարկելու, ապա այլ մանրամասներ չհայտնելով՝ մտավ Պետաիրավական հարցերի մշտական հանձնաժողովի նախագահ Վլադիմիր Վարդանյանի աշխատասենյակ։
ՊՊԾ ղեկավար Սարգիս Հովհաննիսյանն էլ նշեց՝ որևէ հարցի չի կարող պատասխանել, օրենքով լիազորված չէ։ Նա ևս հանդիպեց Անդրանիկ Քոչարյանի հետ։
Նարեկ Կիրակոսյան
