12.12.2024 | 11:58
Ամեն ինչ արված է` պետություն չլինի, գուբերնիա՝ խնդրեմ, ֆորպո՞ստ՝ խնդրեմ. Փաշինյան․ ՏԵՍԱՆՅՈՒԹ
Բաքուն դիվերսիոն փորձով ցանկանում է կոմպենսացնել դիվանագիտության մեջ և միջազգային հարթակում իր ձախողումները. Տիգրան Բալայան
Քաղաքականություն
25.01.2018 | 15:26
ՀՀ արտաքին գործերի նախարարության խոսնակ Տիգրան Բալայանը թվիթերյան իր միկրոբլոգում արված գրառմամբ անդրադարձ է կատարել շփման գծում Ադրբեջանի նախաձեռնած հետախուզադիվերսիոն ներթափանցման վերջին փորձին ու այն մեկնաբանել որպես միջազգային հանրության ուշադրությունն այդ երկրում մարդու իրավունքների ոտնահարումներից շեղելու փորձ:
«Բաքուն փորձում է կոմպենսացնել դիվանագիտության մեջ և միջազգային հարթակում իր ձախողումները, շեղել ուշադրությունը Ադրբեջանում մարդու իրավունքների և հիմնարար ազատությունների խախտումներից՝ շփման գծում սադրանքներ կազմակերպելով: Չի ստացվելու»,- գրել է ՀՀ ԱԳՆ խոսնակը:
Հիշեցնենք, որ Արցախա-ադրբեջանական հակամարտ զորքերի շփման գծի հարավարևելյան (Կուրոպատկինո) ուղղությամբ տեղակայված հայկական դիրքերից մեկի պաշտպանական հատվածում հունվարի 25-ի գիշերը՝ ժամը 02:00-ի սահմաններում, ՊԲ առաջապահ ուժերի կողմից հավաստանշվել է հակառակորդի հետախուզադիվերսիոն խմբի ներթափանցման փորձ:
Ձեռնարկված կանխարգելիչ գործողությունների արդյունքում ադրբեջանական հատուկ ջոկատայինները հետ են շպրտվել:
Ըստ նախնական տվյալների՝ հակառակորդի կողմից կան կորուստներ: Մանրամասները ճշտվում են:
