08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Կառավարությունը վաճառքի է հանել «Արաբկիր» ԲԿ-ի պետական բաժնեմասը. այն կգնեն Բաբլոյանները
Տնտեսություն
03.02.2021 | 21:33
Կառավարությունը մտադիր է «Արաբկիր» բժշկական համալիր-երեխաների և դեռահասների առողջության ինստիտուտ» ՍՊԸ-ում իր ունեցած բաժնեմասը վաճառել:
Կառավարությունը ցանկանում է 5.6 % պետական բաժնեմասը ուղղակի վաճառքի ձևով՝ 574 մլն 356 հազար դրամ արժեքով, առաջարկել ընկերության ոչ պետական բաժնեմասի սեփականատերերին:
Նշենք, որ «Արաբկիր» ԲԿ-ի սեփականատերը ԱԺ նախկին նախագահ Արա Բաբլոյանն է:
Կառավարության որոշման նախագծից տեղեկանում ենք, որ «Արաբկիր» ԲԿ-ի ոչ պետական բաժնեմասի սեփականատերերը պետության բաժնեմասը պատրաստ են ձեռք բերել 283 մլն 769 հազ. դրամ արժեքով: Գումարի 50 տոկոսը կվճարվի բաժնեմասը ձեռք բերելու պահին, իսկ մնացած մասը՝ 3 տարիների ընթացքում։ Ստացվում է, որ «Արաբկիր» ԲԿ-ի պետական բաժնեմասը վաճառվելու է իրական արժեքի կես գնով:
Կառավարության որոշման նախագծում նշվում է, որ եթե պետական բաժնեմասը մյուս սեփականատերերը չցանկանան գնել, ապա այն աճուրդի կհանվի նույն արժեքով:
Նարեկ Կիրակոսյան
