27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
Իսպանական Անդալուզիայում իրավիճակը տագնապալի է․ հերթական երկրաշարժերի շարքն է գրանցվել
Քաղաքականություն
27.01.2021 | 12:56
Իսպանիայի Գրանադա քաղաքի շրջանում հունվարի 26-ի երեկոյան երկրաշարժերի շարք է գրանցվել, որոնցից 3-ը չորս ու ավելի բալ ուժգնությամբ։ Korrespondent.net-ի փոխանցմամբ՝ այս մասին վկայում են Եվրոպական-միջերկրածովյան երկրաբանական կենտրոնի տվյալները։
Զոհերի կամ զգալի վնասների մասին տեղեկություններ դեռևս չկան: Ամենահզոր ցնցումները գրանցվել են Կուլյար-Վեգա (4,2 բալ) և Սանտա-Ֆե (4,3 բալ) շրջաններում։
«Մի քանի երկրաշարժ այս գիշեր կրկին ցնցել է Գրանադան: Հիմա մենք պետք է հանգստություն պահպանենք և հետևենք արտակարգ իրավիճակների ծառայության հրահանգներին: Հավատանք, որ շուտով ամեն ինչ կկարգավորվի», – գրել է Իսպանիայի վարչապետ Պեդրո Սանչեսն իր թվիթերյան էջում:
Իր հերթին, Գրանադայի քաղաքապետ Լուիս Սալվադորն իրավիճակն անվանել է «տագնապալի», սակայն կոչ արել հանգստություն պահպանել:
Տեղեկացվում է, որ վերջին շրջանում Անդալուզիայում ուժեղացել է սեյսմիկ ակտիվությունը, դեկտեմբեր ամսից գրանցվել է ավելի քան 150 ոչ մեծ երկրաշարժ, տուժածների կամ զգալի փլուզումների մասին չի հաղորդվում։
Տեղի բնակիչները երկրաշարժի վայրից տեսանյութեր են հրապարակում։
Տաթև Ֆռանգյան
