14.11.2024 | 21:13
Կտրականապես մերժում ենք անհիմն տեսակետները․ Նիդերլանդների ԱԳՆ-ն արձագանքել է Ալիևի մեղադրանքներին
Կարեն Կարապետյանն ընդունել է ԱլԳ հարցերով հատուկ բանագնացներին
Քաղաքականություն
31.05.2017 | 20:02
Վարչապետ Կարեն Կարապետյանն ընդունել է Եվրոպական միության անդամ պետություններ Լատվիայի, Նիդեռլանդների, Լիտվայի, Էստոնիայի և Շվեդիայի արտաքին քաղաքական գերատեսչությունների՝ Արևելյան գործընկերության հարցերով հատուկ բանագնացներին՝ ԵՄ-ում նախագահող Սլովակիայի ԱԳՆ հատուկ բանագնաց, դեսպան Դուշան Դախոյի գլխավորությամբ:
Վարչապետը կարևորել է Եվրոպական միության հետ համագործակցության զարգացումը և բանագնացների խնդրանքով անդրադարձել կառավարության գործունեության առաջնահերթություններին, տարբեր ոլորտներում բարեփոխումներին և ծրագրերին: Կարեն Կարապետյանն ընդգծել է բիզնես միջավայրի բարելավման, ներդրումների ներգրավման անհրաժեշտությունը և նշել, որ դատաիրավական, հարկային, մաքսային և այլ ոլորտների բարեփոխումների իրականացումը լինելու է ՀՀ կառավարության ուշադրության կենտրոնում: Այդ առումով, վարչապետը կարևորել է փորձի փոխանակումը:
Զրուցակիցներն անդրադարձ են կատարել Հայաստան-ԵՄ փոխգործակցությանը, Արևելյան գործընկերություն ծրագրի շրջանակում իրականացվող համագործակցությանը և երկուստեք հետաքրքրություն ներկայացնող մի շարք այլ հարցերի:
