03.03.2026 | 23:33
«Դա ձեզ համար Ուինսթոն Չերչիլը չէ». Թրամփը հայտարարել է, որ հատկապես դժգոհ է Մեծ Բրիտանիայի արձագանքից
Չի կարելի այժմ կրթության և առողջապահության ոլորտում հարկադրում սկսել․ Սարգսյան. ՏԵՍԱՆՅՈՒԹ
Հասարակություն
22.01.2021 | 15:43
Կորոնավիրուսի համավարակի և պատերազմի հետևանքով 2021 թ-ին սպասվող հարկային ճեղքի կրճատման նպատակով կառավարությունը ցանկանում է սահմանափակել ԱԱՀ-ից ազատման հարկային արտոնությունները առողջապահության և կրթության ոլորտներում, ինչպես նաև վերանայել շրջանառության և միկրոձեռնարկության հարկման համակարգերը:
Կառավարության ներկայացրած հարկային քաղաքականության ճեղքի կրճատմանն ուղղված միջոցառումներից հայտնի է դառնում, որ մի կողմից հստակություն չկա սպասվող հարկային ճեղքի մեծության մասին, մյուս կողմից, սակայն, դրա կրճատմանն ուղղված քայլեր են առաջարկվում:
Կառավարությունը, այլ կերպ ասած, նախատեսում է կրճատել շրջանառության հարկի միկրոձեռնարկությունների և շրջանառության հարկման համակարգերը, իսկ առողջապահության և կրթության ոլորտները զրկել ԱԱՀ ազատման հարկային արտոնություններից: Սա, ըստ փորձագետների, կարող է հանգեցնել առողջապահական և կրթական ծառայությունների գների բարձրացմանը, որին կառավարությունից պատասխանում են պետպատվերով բուժվողների ու սովորողների շրջանակն ընդլայնելու հայտարարությամբ:
«Կառավարությունը հրաժարվում է հարկային արտոնություններից. ի՞նչ սպասել» թեմայով առցանց քննարկման ժամանակ իր դիտարկումները ներկայացրեց Աուդիտորների պալատի նախագահ Նաիրի Սարգսյանը: Նրա խոսքով՝ չի կարելի այժմ կրթության և առողջապահության ոլորտում հարկադրում սկսել:
Մանրամասները՝ տեսանյութում:
