19.08.2026 | 16:33
Ռուս-վրացական սահմանը 24 ժամում ավելի քան 20,000 մարդ է հատել․ Վերին Լարսում մեծ խցանում է
Էդմոն Մարուքյանը Փաշինյանի հետ հանդիպումից մանրամասներ է ներկայացնում. ՏԵՍԱՆՅՈՒԹ
Քաղաքականություն
21.01.2021 | 12:21
«Լուսավոր Հայաստան» կուսակցության հետ հանդիպման ժամանակ վարչապետի կողմից եղել է արտահերթ խորհրդարանական ընտրություններ անցկացնելու և առաջարկվել է ստորագրել հուշագիր, որով կպարտավորվենք, որ վարչապետի հրաժարականից հետո չենք առաջադրի իմ թեկնածությունը»,- այս մասին լրագրողների հետ հանդիպմանն ասաց ԼՀԿ ղեկավար Էդմոն Մարուքյանը։
«Ես ասել եմ, որ մեր օրակարգը անցումային կառավարություն ձևավորելն է, այդ կառավարության մեր թեկնածուն ես եմ և պետք է առաջադրվեմ, իսկ արտահերթ ընտրություններ կամզակերպելու օրակարգն իշխանության առաջ բերածն է՝ ի պատասխան ընդդիմության՝ վարչապետի հրաժարականի պահանջի։ Չի եղել կոնսենսուս, և այդ հուշագրի թեման փակվել»,- նշեց Էդմոն Մարուքյանը։
Նա նաև հավելեց՝ այն, որ իրենք բանավոր ասում են՝ պատրաստ են ընտրություններին և դրա ճանապարհը վարչապետի հրաժարականն է, դա չի նշանակում, որ իրենք չեն առաջադրելու վարչապետի թեկնածություն:
«Հրապարակային ասել ենք, որ առաջադրելու ենք… Ես կոնտր հուշագիր եմ առաջարկել։ Առաջարկել եմ ստորագրել հուշագիր և մինչ դրա ստորագրումը պայմանավորվենք, որ ես ընտրվում եմ, ենթադրենք, մինչև հոկտեմբերի 1-ը, այդ օրը հրաժարական եմ տալիս և չեմ առաջադրվում, և երեք ուժերով պայմանավորվում ենք, որ մարդ չենք առաջադրում, և ԱԺ-ն ցրվում է»:
Մարուքյանի խոսքով՝ վարչապետին առաջարկած այդ կոնտր հուշագրի շուրջ ևս չի եղել համաձայնություն։
Պատգամավորը կրկնեց, որ ինքն առաջադրվելու է։ «Հիմա եթե իրենք չեն կարծում, որ կընտրեն, թող գնան այդ ճանապարհով։ Ինչ խնդիր կա, կընտրվենք՝ կընտրվենք, չենք ընտրվի՝ կցրվենք»:
Մանրամասները՝ տեսանյութում:
