08.10.2026 | 16:36
Հարավային Կորեան հետ է կանչում Ուկրաինայում իր դեսպանին
Էլիտար հեղաշրջման փորձը չեզոքացվեց․ Հրաչյա Հակոբյան. ՏԵՍԱՆՅՈՒԹ
Քաղաքականություն
19.01.2021 | 14:02
Ընդդիմությունը քաղաքացների այն հատվածին, որը սատարում է իշխանություններին, անվանում է «ժեխ», «բոմժ»: Արդյո՞ք սրանում մեղավոր չէ նաև իշխանությունը, քանի որ ժամանակին հենց իշխանությունն էր քաղաքացիներին բաժանում «սևերի և սպիտակների»: Factor.TV-ի հետ զրույցում անդրադառնալով այս հարցին «Իմ քայլը» խմբակցության պատգամավոր Հրաչյա Հակոբյանը նշեց. «Բնավ, որովհետև մենք երբևէ քաղաքացիներին չենք փորձել պրոցեսներից դուրս դնել, իսկ այսօրվա ընդդիմությունը փորձում է քաղաքացիներին դուրս մղել պրոցեսներից: Եթե մենք անգամ բաժանել ենք «սևերի և սպիտակների», ասել ենք, որ բոլորն էլ ընտրելու իրավունք ունեն, իսկ այսօրվա ընդդիմությունը կամ իրենց ընդդիմադիր համարող ուժերից որոշները կարծում են, որ քաղաքացիների մի մասը «ժեխ« է, մի մասը՝ «բոմժ», մի մասը «անասուն», և մի մասին էլ պետք չէ ընտրելու իրավունք տալ: Գնահատականը տալիս է և կտա ժողովուրդը»:
Անդրադառնալով հարցին, թե դեռևս առկա՞ է համարում էլիտար հեղաշրջման փորձը, Հակոբյանը նշեց. «Ըստ իս, էլիտար հեղաշրջման փորձը չեզոքացավ Արարատ Միրզոյանի մահափորձի ձախողմամբ, այն խուլիգանները, որոնք մտել էին վարչապետի առանձնատուն և գողություն էին անում, չեզոքացվեցին, և երբ մարդիկ մտել էին ԱԺ և ոտքերն ԱԺ նախագահի սեղանին դրած՝ ծխում էին, չեզոքացվեցին, այ այդ պահին է չեզոքացվել հեղաշրջման փորձը»:
Մանրամասները՝ տեսանյութում:
