ՀՀ դպրոցականները հաջողություններ են գրանցել միջազգային Ժաուտիկովյան օլիմպիադայում. ԿԳՄՍՆ

2021 թ. հունվարի 8-15-ը Ղազախստանի Ալմաթի քաղաքում տեղի է ունեցել Ժաուտիկովյան միջազգային 17-րդ օլիմպիադան, որը կազմակերպվում է «Մաթեմատիկա», «Ֆիզիկա» և «Ինֆորմատիկա» առարկաների գծով. տեղեկացնում են ԿԳՄՍՆ-ից:

Այս տարի օլիմպիադան անցկացվել է առցանց, որին Հայաստանը ներկայացրել են Ա. Շահինյանի անվան ֆիզիկամաթեմատիկական հատուկ դպրոցի երկու և «Քվանտ» վարժարանի մեկ թիմեր:

Օլիմպիադային մասնակցել են 20 երկրի 1005 դպրոցական, այդ թվում՝ 420-ը մաթեմատիկայից, 290-ը՝ ֆիզիկայից, 295-ը՝ ինֆորմատիկայից:

Հայաստանը ներկայացնող 21 մասնակիցներից 10-ն արժանացել են ոսկե, 5-ը՝ արծաթե և 2-ը՝ բրոնզե մեդալների: «Քվանտ» վարժարանի թիմն արժանացել է 5 ոսկե և 2 բրոնզե մեդալների՝ թիմային հաշվարկում գրավելով առաջին տեղը, իսկ ֆիզմաթ դպրոցի մեկ թիմը նվաճել է 3 ոսկե և 3 արծաթե մեդալներ՝ արժանանալով պատվավոր մրցանակի: Ֆիզմաթ դպրոցի երկրորդ թիմն արժանացել է 2 ոսկե և 2 արծաթե մեդալների:

Ոսկե մեդալների են արժանացել.

«Քվանտ» վարժարան՝

Արզումանյան Լորետա – 12-րդ դասարան, մաթեմատիկա

Մոսոյան Կարեն – 12-րդ դասարան, ֆիզիկա

Գյուլամիրյան Դավիթ – 12-րդ դասարան, ֆիզիկա

Աբելյան Ալեքսանդր – 12-րդ դասարան, ինֆորմատիկա

Խլղաթյան Արայի – 11-րդ դասարան, ինֆորմատիկա

Ա. Շահինյանի անվան ֆիզիկամաթեմատիկական հատուկ դպրոց՝

Բաբասյան Էրիկ – 12-րդ դասարան, մաթեմատիկա

Հովհաննիսյան Վահագն – 11-րդ դասարան, մաթեմատիկա

Ասատրյան Վահրամ – 11-րդ դասարան, մաթեմատիկա

Գյոլեցյան Արտաշես – 12-րդ դասարան, ֆիզիկա

Կոստանյան Էմիլ – 12-րդ դասարան, ինֆորմատիկա

Արծաթե մեդալների են արժանացել.

Ա. Շահինյանի անվան ֆիզիկամաթեմատիկական հատուկ դպրոց՝

Կարապետյան Հայկ – 11-րդ դասարան, մաթեմատիկա

Կարագուլյան Մհեր – 12-րդ դասարան, մաթեմատիկա

Համբարձումյան Ռուբեն – 11-րդ դասարան, մաթեմատիկա

Չախոյան Հակոբ – 12-րդ դասարան, ֆիզիկա

Կարախանյան Ռուբեն – 12-րդ դասարան, ֆիզիկա

Բրոնզե մեդալների են արժանացել.

«Քվանտ» վարժարան՝

Պետրոսյան Համլետ – 10-րդ դասարան, մաթեմատիկա

Պարզյան Ռազմիկ – 10-րդ դասարան, մաթեմատիկա

Նշենք, որ արդեն 17 տարի շարունակ ՀՀ դպրոցների սաները մասնակցում են այդ օլիմպիադային: Շնորհավորում ենք բոլոր մեդալակիրներին, նրանց ուսուցիչներին և խմբակներում նրանց հետ պարապող մասնագետներին: