27.08.2026 | 21:00
Ֆուտզալի Հայաստանի չեմպիոնը երկրորդ հաղթանակը տարավ Չեմպիոնների լիգայում
Թրամփի մի քանի կուսակիցներ պատրաստ են կողմ քվեարկել նրա դեմ իմպիչմենթին
Քաղաքականություն
13.01.2021 | 17:20
Դոնալդ Թրամփի Հանրապետական կուսակցության մի քանի անդամներ հայտնել են, որ կողմ կքվեարկեն նախագահին իմպիչմենթի ենթարկելուն՝ Կոնգերսի վրա հարձակման հարցում նրա ունեցած դերակատարության համար, գրում է BBC-ն։
Ներկայացուցիչների պալատում հանրապետական Լիզ Չեյնին հայտարարել է, որ Թրամփը «վառել է հարձակման կրակը» , որի արդյունքում հինգ մարդ է զոհվել:
Չորեքշաբթի օրը սպասվում է քվեարկություն Դեմոկրատների կողմից վերահսկվող պալատում:
Կապիտոլիումի վրա հարձակումից հետո իր առաջին հրապարակային ելույթում Թրամփը պատասխանատվություն չի ստանձնել բռնությունների համար:
Դեմոկրատները մեղադրում են, որ Թրամփը հարձակումից առաջ ելույթում իր համախոհներին խրախուսել է ներխուժել Կապիտոլիումի շենք: Ակնկալվում է, որ նրանք կողմ կքվեարկեն Թրամփին իմպիչմենթի ենթարկելուն՝ նրան պաշտոնապես մեղադրելով ապստամբություն հրահրելու համար:
Քանի որ Պալատում դեմոկրատները մեծամասնություն են կազմում, քվեարկությունը, ամենայն հավանականությամբ, կանցնի: Դրանից հետո գործը կուղղվի Սենատ, որտեղ տեղի կունենա դատավարություն ՝ նախագահի մեղավորությունը պարզելու համար:
Հավելենք, որ անհրաժեշտ կլիներ մեծամասնության երկու երրորդի ձայները Թրամփին դատապարտելու համար, ինչը նշանակում է, որ առնվազն 17 հանրապետական պետք է քվեարկի նրա դատապարտման օգտին:
Տաթև Ֆռանգյան
