27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
BioNTech-ը 2021 թ.-ին կարտադրի 2 միլիարդ չափաբաժին պատվաստանյութ
Քաղաքականություն
11.01.2021 | 19:19
Գերմանական BioNTech դեղագործական ընկերությունը զգալիորեն մեծացրել է գալիք տարվա ընթացքում պատվաստանյութի արտադրության իր կանխատեսումը: Մայնցում տեղակայված ընկերությունը, որը պատվաստանյութ է արտադրում ամերիկյան Pfizer կոնցեռնի հետ համատեղ, մինչև տարեվերջ նախատեսում է արտադրել պատվաստանյութի երկու միլիարդ չափաբաժին, գրում է DW-ի ռուսական ծառայությունը:
Մինչ այժմ նախատեսված էր արտադրել շուրջ 1,3 միլիարդ չափաբաժին պատվաստանյութ: BioNTech-ից տեղեկացրել են, որ այս վերանայումը հիմնված է գործընթացների շարունակական բարելավման և արտադրական գծերի ընդլայնման հետ:
Հիշեցնենք՝ մեկ անձի պատվաստման համար անհրաժեշտ է պատվաստանյութի երկու դեղաչափ:
Այս պահին Worldometers կայքի տվյալների համաձայն՝ SARS-CoV-2-ի դեպքեր են հայտնաբերվել երկիր մոլորակի ավելի քան 90,5 միլիոն բնակչի մոտ։ Հիվանդությունից մահացել է շուրջ 1,9 միլիոն մարդ, ապաքինվել՝ 65 միլիոն մարդ։
Տաթև Ֆռանգյան
