18.12.2025 | 23:09
Գիտությունն ավելի հաճախ պետք է կապվի արդյունաբերության հետ, որպեսզի արդյունավետությունը հնարավոր լինի չափել. Հակոբ Արշակյան
Սիրիայում 2021 թվականի ռուս-թուրքական առաջին համատեղ պարեկությունն է իրականացվել․ ՏԱՍՍ
Քաղաքականություն
08.01.2021 | 13:48
2021 թվականի ռուս-թուրքական առաջին համատեղ պարեկությունն է իրականացվել Սիրիայի հյուսիս-արևելքում գտնվող Հասեքե նահանգում։ Այն ընթացել է առանց որևէ միջադեպի։ Այս մասին լրագրողներին հայտնել է ՌԴ Զինված ուժերի մայոր Սերգեյ Զամայը, փոխանցում է ՏԱՍՍ-ը։
«Այսօր 2021 թ.-ին առաջին անգամ իրականացվել է ռուս-թուրքական համատեղ պարեկությունը: Պարեկությանը նախորդել էր զենքի և ռազմական տեխնիկայի, անձնակազմի , համակարգող կենտրոնի աշխատանքների մանրակրկիտ նախապատրաստում: Պարեկությունն անցել է կանոնավոր ռեժիմով, առանց միջադեպերի», – տեղեկացրել է նա:
Պարեկության ընթացքում երկու երկրների զինվորականները անցել են շուրջ 50 կմ ու մշտադիրտարկում են իրականացրել 5 բնակավայրերում, ինչպես նաև նահանգի նավթային դաշտերում։
Հավելենք, որ մինչ պատերազմը Հասեքե նահանգը եղել է Սիրիայի ամենազարգացած արդյունաբերական շրջաններից մեկը։ Սակայն այժմ նավթի արդյունահանումը նվազել է գրեթե 20 անգամ։
Տաթև Ֆռանգյան
