01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
ԱԺ-ն առաջին ընթերցմամբ ընդունեց ՀՀ-ին նվիրաբերվող ապրանքների դեպքում հարկ չգանձելու օրինագիծը
Քաղաքականություն
28.12.2020 | 19:15
Ազգային ժողովն առաջին ընթերցմամբ ընդունեց «Պետական տուրքի մասին» ՀՀ օրենքում լրացում և փոփոխություններ կատարելու մասին օրենքի նախագիծը, որով առաջարկվում է վերացնել Հայաստանի Հանրապետությանը նվիրաբերվող ապրանքների դեպքում առկա հարկային բոլոր վճարումները:
Նախագծի հեղինակը «Իմ քայլը» խմբակցության պատգամավոր Սիսակ Գաբրիելյանն է։
«Երբ քաղաքացին որևէ բարեգործական ապրանք է նվիրաբերում Հայաստանի Հանրապետությանը, ինքն ազատվում է մաքսավճարներից և հարկային այլ վճարներից՝ բացառությամբ մեկ վճարի, որն այս նախագծով էլ փորձում ենք ազատել: Խոսքը պետական տուրքի մասին է, որը սահմանում է, որ տվյալ դեպքում յուրաքանչյուր տոննայի համար 1․000 դրամ կվճարվի, մյուս տոննաժների համար՝ 0.3 գործակցով: Այս արտոնությամբ մենք վերացնում ենք բոլոր տեսակի վճարները»,- ասաց Գաբրիելյանը՝ ներկայացնելով նախագիծը:
Օրենքի նախագիծն ընդունվեց 74 կողմ և 1 ձեռնպահ ձայնով:
