10.06.2026 | 10:20
ԵՄ-ն Հայաստանում նորաստեղծ առաքելության ղեկավար է նշանակել
ԵՄ դեսպանները հաստատել են «Brexit»- ի համաձայնագիրը և հունվարի 1-ից դրա ժամանակավոր կիրառումը
Քաղաքականություն
28.12.2020 | 18:23
ԵՄ անդամ երկրների մշտական ներկայացուցիչների կոմիտեն երկուշաբթի օրը հաստատել է Brexit- ից հետո միության և Մեծ Բրիտանիայի միջև առևտրի և համագործակցության մասին համաձայնագիրը և միաձայն կողմ է արտահայտվել 2021 թվականի հունվարի 1-ից փետրվարի 28-ն ընկած ժամանակահատվածում դրա ժամանակավոր կիրառմանը: Այս մասին Twitter– ում գրել է կոմիտեի խոսնակ Սեբաստիան Ֆիշերը:
«Կանաչ լույս Brexit-ի գործարքին․ դեսպանները միաձայն հավանության արժանացրին 2021 թվականի հունվարի 1-ից առևտրի ու համագործակցության մասին ԵՄ ու Մեծ Բրիտանիայի միջև համաձայնագրի ժամանակավոր կիրառմանը։ Հաջորդ փուլը գրավոր հաստատման գործընթացն է, որը պետք է ավարտվի մինչև վաղը՝ ժամը 15։00-ը»,- գրել է Ֆիշերը։
Հիշեցնենք՝ դեկտեմբերի 24-ին Բրյուսելն ու Լոնդոնը Brexit-ից հետո գործընկերության մասին տեքստում փոխզիջումների էին հասել։ ԵՄ-ի կողմի գլխավոր բանակցող Միշել Բարնյեի խոսքով՝ համաձայնագիրը նախատեսում է ազատ առևտուր առանց քվոտաների և սակագների, միմյանց ծովային և օդային տարածք անսահմանափակ մուտք և ծովային ռեսուրսների հավասարակշռված հասանելիություն: Կողմերը մտադիր են իրենց քաղաքացիներին հավասար հասանելիություն ապահովել սոցիալական համակարգերում:
Տաթև Ֆռանգյան
