22.11.2024 | 19:45
16-ամյա աղջկա սպանության մեղադրանքով արդարացվածները կրկին կանգնեցին դատարանի առաջ. ՄԻԵԴ վճիռն անտեսվեց. ՏԵՍԱՆՅՈՒԹ
Նոյեմբերին տնտեսական ակտիվության ցուցանիշը նվազել է 10,3 %-ով․ արտաքին առևտրաշրջանառությունը նվազել է շուրջ 26 %-ով
Տնտեսություն
25.12.2020 | 18:51
Այս տարվա նոյեմբեր ամսին ՀՀ տնտեսական ակտիվության ցուցանիշը նախորդ տարվա նույն ամսվա համեմատ նվազել է 10,3 %-ով։ Այս մասին տեղեկանում ենք Պետական վիճակագրական ծառայության հրապարակած տվյալներից։
Սպառողական գների ինդեքսն աճել է 1․6 տոկոսով՝ նախորդ տարվա նույն ամսվա համեմատ: Արդյունաբերական արտադրանքի ծավալը նվազել է 6,1 տոկոսով:
Առավելապես տուժել է առևտրի և շրջանառության ոլորտը, անկումը՝ 22 տոկոս, ծառայությունների ծավալը կրճատվել է 18,6 տոկոսով, արտաքին առևտրաշրջանառությունը նվազել է 25․9 տոկոսով, որից արտահանման նվազումը կազմել է 19,4 տոկոս, ներմուծմանը՝ 28,9 տոկոս:
Միջին անվանական ամսական աշխատավարձը բարձրացել է 3,4 տոկոսով, պետական հատվածում միջին ամսական անվանական աշխատավարձի նվազում է նկատվել՝ 2 տոկոսով, իսկ ոչ պետական հատվածում ավելացել է 3,8 տոկոսով:
Համեմատելով տարեսկզբից մինչև նոյեմբեր գրանցված տնտեսական ակտիվության ցուցանիշները՝ այս տարի, նախորդ տարվա հունվար-նոյեմբերի համեմատ, նվազումը կազմել է 7,2 տոկոս, իսկ նոյեմբերին հոկտեմբերի համեմատ ՏԱՑ-ը նվազել է 10,2 տոկոսով:
Անժելա Պողոսյան
