01.08.2026 | 23:46
Արման Ծառուկյանը հաղթեց երևանյան մենամարտում. ՏԵՍԱՆՅՈՒԹ
ՌԴ-ն ու ԱՄՆ-ն աջակից ուժեր են ուղարկել Սիրիայում իրենց ռազմաբազաներ՝ թուրքական զորքերի առաջխաղացման ֆոնին
Քաղաքականություն
25.12.2020 | 13:09
Ռուս զինվորականները զորավիգ ուժեր են տեղափոխել Սիրիայի հյուսիս-արևելքում գտնվող ամենախոշոր քրդական Կամիշլի քաղաքի միջազգային օդանավակայանում իրենց ռազմաբազա։ Այս մասին հայտնում է EurAsia Daily-ն՝ վկայակոչելով Shafaq գործակալությանը։
Նշվում է, որ 20-ից ավելի ռազմական բեռնատարներ և նյութատեխնիկական սարքավորումներով, զինամթերքով ու անձնակազմով համալրված զրահամեքենաներ են ժամանել Կամիշլիի օդանավակայան, որտեղ տեղակայված են ռուսական զորքերը։
Անցած շաբաթ էլ ռուսական զորքերը ռազմական շարասյուն են ուղարկել հարևան Հասակե՝ Ռաքքա նահանգի հյուսիսում՝ Այն-Իսսա քաղաքի մատույցներում Թուրքիայի ու նրա հետ կապված, այսպես կոչված, «Սիրիայի ազգային բանակի» և Սիրիայի դեմոկրատական ուժերի արաբ-քրդական դաշինքի միջև շարունակվող թեժ մարտերի ֆոնին։ Հենց այս իրադարձությունների զարգացման ֆոնին էլ ՌԴ-ն աջակից ուժեր է ուղարկել Թել Թամրե և Կամիշլի ռազմաբազաներ։
Հասակե ու Դեր Զոր նահանգներում ամերիկյան ռազմաբազաները ևս այս շաբաթ համալրվել են նոր ուժերով ու ռազմատեխնիկայով, պնդում է Shafaq-ի աղբյուրը։
Հիշեցնենք՝ ավելի վաղ Ռուսաստանի ու Դամասկոսի կառավարության միջև պայմանագիր էր ստորագրվել Այն-Իսսա քաղաքի մոտերքում 3 դիտորդական բազա ստեղծելու մասին՝ թուրքական հետագա գրոհները կանխելու համար։
Տաթև Ֆռանգյան
