08.11.2024 | 11:07
Ադրբեջանի ԱԳՆ-ն հայտարարել է, թե չնայած ՀՀ-ի հետ բանակցությունների առաջընթացին, «կան որոշակի սպառնալիքներ»
Ճապոնիայի դատախազությունը նախկին վարչապետին մեղադրանք չի առաջադրել
Քաղաքականություն
24.12.2020 | 14:01
Տոկիոյի դատախազության հատուկ քննչական խումբը որոշում է կայացրել Ճապոնիայի նախկին վարչապետ Սինձո Աբեին մեղադրանք չներկայացնել՝ ընտրողներին կաշառելու և քաղաքական ֆոնդերի մասին օրենքի խախտման համար: Այս մասին հայտնում է ՏԱՍՍ-ը՝ վկայակոչելով «Կիոդո» գործակալությունը:
Դատախազությունը որոշում է կայացրել մեղադրանք առաջադրել 66-ամյա նախկին վարչապետի ավագ քարտուղար Հիրոյուկի Հայկավային:
Բացի այդ, Ճապոնիայի ներկայիս վարչապետ Յոշիհիդե Սուգան բարձրաձայնել է իր դիրքորոշումը կատարվածի վերաբերյալ: «Կարծում եմ այս ամեին մասին առաջին հերթին կա պարոն Աբեի բացատրությունը: Միևնույն ժամանակ, ես ինքս անհրաժեշտության դեպքում բացատրություն կտամ», – մեջբերվում է Ճապոնիայի կառավարության ղեկավարի խոսքերը:
Ավելի վաղ հաղորդվել էր, որ մեղադրանքը կապված է 2013-2019 թվականներին Տոկիոյի հյուրանոցներից մեկում՝ Յամագուտի պրեֆեկտուրայից Սինձո Աբեի կողմնակիցների համար ընդունելություններ անցկացնելու համար: Նրանք վճարել են սննդի համար, սակայն, ինչպես պարզվել է, գումարը բավարար չի եղել, և այդ նպատակների համար նախկին վարչապետի միջոցներից, առանց համապատասխան փաստաթղթերի, 2015 թվականից ի վեր հատկացվել է առնվազն 40 միլիոն իեն (ավելի քան 387 հազար դոլար):
Տաթև Ֆռանգյան
