17.09.2026 | 13:10
«Հույսը ծրագիր չէ»․ ՄԹ դեսպանը՝ Հայաստանի անվտանգության և դիմակայունության մասին․ ՏԵՍԱՆՅՈՒԹ
Մոսկվան փորձում է կանխել Բոսնիայի անդամակցությանը ՆԱՏՕ. դիվանագիտական նոր սկանդալ. VOA
Քաղաքականություն
22.12.2020 | 22:01
Ռուս փորձագետները մեկնաբանում են վերջերս բռնկված այն սկանդալը, որն առաջ եկավ, երբ դեկտեմբերի 14-ին Բոսնիայի և Հերցեգովինայի նախագահության անդամ Միլորադ Դոդիկը ՌԴ արտգործնախարար Լավրովին նվիրեց հնագույն մի սրբապատկեր, որը կարող է գողացված լինել Կիևի կողմից չվերահսկվող Դոնբասի տարածքից. գրում է VOA-ն:
Քաղաքական գիտությունների դոկտոր Յուլի Նիսնևիչի խոսքով, սրբապատկերակը Բոսնիա և Հերցեգովինա է փոխանցվել անօրինական ճանապարհով, ենթադրաբար վարձկանների կողմից, ովքեր գործում են ուկրաինական Դոնբասի անջատողականների շրջանում: Ըստ Նիսնևիչի, այլ տարբերակներ գործնականում չկան:
«Բոսնիական պատերազմի ժամանակ շատ ռուսներ կռվում էին սերբերի կողմից», – հիշում է քաղաքագետը «Ամերիկայի ձայնի» ռուսական ծառայությանը տված հարցազրույցում: «Գաղտնիք չէ նաև, որ սերբերը մասնակցել են ռազմական գործողություններին (ուկրաինացի զինվորականների դեմ) Դոնեցկում ու Լուգանսկում: Վարձկանները սովորաբար, հաճախ առանց հասկանալու, իրենց հետ վերցնում են այն ամենն, ինչ վատ է պահվել: Նրանցից մեկը, օգտվել է իրավիճակից և գողացել սրբապատկերը, որն այնուհետև հայտնվել է սև շուկայում (Բոսնիա և Հերցեգովինայի): Ամեն դեպքում, ինձ թվում է, որ այստեղ ոչ մի կրոնական բաղադրիչ չկա և չի էլ կարող լինել»,- ասում է Նիսնևիչը:
Միջազգային փորձագետների կարծիքով, սերբերի կողմից բոսնիական պատերազմին մասնակցել են մի քանի հազար կամավորներ Ռուսաստանից և ԱՊՀ այլ երկրներից:
Թվում է, որ Միլորադ Դոդիկի շրջապատը չգիտեր սրբապատկերի ծագման մասին, շարունակում է Նիսնևիչը: Հակառակ դեպքում, նա բացատրում է, այս պատմությունը սադրանքի տեսք կունենար: «Ընդհակառակը, սա երկու կողմերի դիվանագիտական պրոֆեսիոնալիզմի պակասի խնդիր է: Եթե արտաքին գործերի նախարարին ներկայացվի այնպիսի սրբապատկեր, որի վրա դրոշմակնիք կա մեկ այլ պետության պատկանելիության մասին, դա անընդունելի է: Եթե Դոդիկին և նրա օգնականներին մի փոքր արդարացնում է օտար լեզվի չիմացությունը, ապա ռուս դիվանագետները, ընդունելով նման նվերներ, առանց նայելու՝ անընդունելի սխալ է, որը հանգեցրեց միջազգային սկանդալի և երկրի հեղինակությանը հասցրեց հերթական հարված», – ասում է ռուս քաղաքագետը:
Միևնույն ժամանակ, Նիսնևիչը շեշտում է՝ Բոսնիա և Հերցեգովինայի նկատմամբ Մոսկվայի հետաքրքրությունը հասկանալի է: Այստեղ հիմնական գործոնն է կանխել այս երկրի ինտեգրումը ՆԱՏՕ-ին, ինչպես նաև ցույց տալ, որ Ռուսաստանը միջազգային ասպարեզում այդքան էլ մեկուսացված չէ, և որ այն դեռևս նշանակալի դերակատար է Բալկաններում:
Առավել մանրամասն՝ սկզբնաղբյուր կայքում:
