12.04.2026 | 19:25
Ծանրամարտի ֆեդերացիան դիմել է դատարան՝ պահանջելով դադարեցնել ՀԱՕԿ նախագահ Գագիկ Ծառուկյանի լիազորությունները
12 վարչական շրջաններում ապաստարաններ ու թաքստոցներ կհիմնվեն. ՏԵՍԱՆՅՈՒԹ
Հասարակություն
22.12.2020 | 16:36
Երևանն ունի մեկ միլիոնից ավելի բնակիչ, և 12 վարչական շրջաններում տեղակայված ստորգետնյա անցումները, որքան էլ կատարյալ վերանորոգվեն, անհրաժեշտության դեպքում այնտեղ չեն կարող պատսպարվել բոլոր բնակիչները: Այս մասին այսօր Երևանի ավագանու նիստում ասաց Երևանի փոխքաղաքապետ Հրաչյա Սարգսյանը:
Նա նկատեց, որ Կենտրոն համայնքում ավելի հեշտ է այդ հարցը լուծել, քանի որ կան բազմահարկ շենքեր, որոնք ունեն ավտոկայանատեղիներ, դրանք կարող են ծառայել նաև որպես թաքստոցներ: Այս պահին Երևանում կա այդպիսի 4622 բազմաբնակարան շենք, իսկ տնային տնտեսությունների բնակիչները նկուղներն են օգտագործելու որպես թաքստոց:
Փոխքաղաքապետը վստահեցրեց, որ Երևանի 12 վարչական շրջաններում կհիմնվեն թաքստոցներ ու ապաստարաններ:
Նա նաև տեղեկացրեց, որ Երևանում շչակների քանակն ավելացվել է 100-ով:
Մանրամասները՝ տեսանյութում:
