17.09.2026 | 14:10
ՄԻԵԴ-ն ընդդեմ Հայաստանի վճիռ է կայացրել մահացած զինծառայողի գործով
Իրանը սկսել է միջուկային օբյեկտի կառուցում․ AP
Քաղաքականություն
18.12.2020 | 15:40
Իրանը Ֆորդոյում ստորգետնյա միջուկային օբյեկտ է կառուցում։ Այս մասին հայտնում է Associated press-ը՝ վկայակոչելով իր տրամադրության տակ հայտնված արբանյակային լուսանկարները։
Ֆորդոյում կառուցվող օբյեկտում, համաձայն միջուկային գործարքի, որից ԱՄՆ-ը դուրս է եկել, ենթադրվում էր բժշկության նպատակներով կայուն իզոտոպների արտադրության համար ցենտրիֆուգների կասկադների մոդիֆիկացիա։ Սակայն Իրանը, հրաժարվելով համաձայնագրի մի շարք դրույթներից, ներգրավել է ուրանի հարստացման գործարանը։
Բացի այդ, Իրանում ավելեի վաղ հավանության է արժանացել օրենք, որը ենթադրում է ավելի արդի ցենտրիֆուգների տեղակայում Ֆորդոյի հաստատությունում։
Գործակալության տեղեկությունների համաձայն՝ կառուցումը սկսվել է սեպտեմբերի վերջին։ Maxar Technologies ընկերության լուսանկարներում երևում է, որ աշխատանքներն ընթանում են օբյեկտի հյուսիս-արևմտյան հատվածում՝ Կում քաղաքից ոչ հեռու, Թեհրանից մոտ 90 կմ հարավ-արևմուտք։
Associated press-ի դեկտեմբերի 11-ին արված լուսանկարներում երևում է շենքի փորված հիմքը՝ մի քանի տասնյակ սյուներով, որոնք, ենթադրաբար, օգտագործվում են շենքը սեյսմիկ վտանգավոր հատվածներում պաշտպանելու համար։ Աղբյուրը տեղեկացնում է, որ այս պահին շինարարության նպատակները հայտնի չեն։ Իրանի իշխանությունները պաշտոնապես այս առթիվ հայտարարություն չեն արել։
Տաթև Ֆռանգյան
