08.11.2024 | 16:40
Հայաստանը փողերի լվացման դեմ պայքարելու համար ունի և՛ իրավական, և՛ ինստիտուցիոնալ բավարար հենք. Գլխավոր դատախազ
Ռուս հաքերները կոտրել են ԱՄՆ ֆինանսների նախարարության սերվերները․ Washington Post
Քաղաքականություն
14.12.2020 | 14:58
Միանգամից մի քանի ամերիկյան լրատվամիջոցներ հայտնել են, որ ռուս հաքերներին հաջողվել է կոտրել ԱՄՆ ֆինանսների նախարարության ու Հեռահաղորդակցության և տեղեկատվության ազգային վարչության (NTIA) սերվերները և մի քանի ամիս շարունակ հետևել աշխատակիցների նամակագրությանը:
Washington Post-ի տեղեկություններով՝ հաքերային հարձակումը կազմակերպել են APT29 կամ Cozy Bear անվամբ հայտնի հաքերները։ ԱՄՆ-ում կարծում են, որ այս խմբի մեջ են մտնում ՌԴ ռազմական հետախուզության սպաներ, որոնք գործում են պետության հրամանով։
Reuters գործակալությունն էլ իր հերթին պնդում է, որ սերվերներին հասանելիությունը ձեռք է բերվել Microsoft Office 365-ի փաթեթի կոտրումից հետո, որը բեռնվել է NTIA աշխատակիցների համակարգիչներում։
Հաքերների կողմից պատճառված վնասի մասին դեռևս չի հաղորդվում, սակայն հարձակումից հետո հանգստյան օրերին ԱՄՆ Ազգային անվտանգության խորհրդի արտակարգ նիստ է գումարվել:
Առևտրի դեպարտամենտը հաստատել է այս լուրերը՝ հավելելով, որ իշխանություններն արդեն Հետաքննությունների դաշնային բյուրոյին հանձնարարել են հետաքննել միջադեպը:
ԱՄՆ-ում Ռուսաստանի դեսպանատունն անհիմն է անվանել ամերիկյան լրատվամիջոցների պնդումները:
Տաթև Ֆռանգյան
