Եվրամիությունը մտադիր է դոնորների համաժողով հրավիրել 2021թ․-ին՝ Արցախի վերականգնման և զարգացման նպատակով

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

«Ազատ քաղաքացի» ՀԿ ղեկավար Հովսեփ Խուրշուդյանը գրել է

«ՇՏԱՊ՝ լավ լուր․ Եվրամիությունը մտադիր է դոնորների համաժողով հրավիրել 2021թ․-ին՝ Արցախի վերականգնման եւ զարգացման նպատակով
Այսօր, Արեւելյան գործընկերության քաղաքացիական հասարակության ֆորումի տարեկան առցանց համաժողովի վերջին օրվա ընթացքում, հանդես գալով «Անվտանգության մարտահրավերները ԱլԳ տարածաշրջանում 2020թ․-ին եւ դրանից հետո» պանելային քննարկմանը, որը վարում էր Թոմաս դե Վաալը, Եվրամիության արտաքին գործողությունների ծառայության (ԵՄ ԱԳՆ) Ռուսաստանի, Արեւելյան գործընկերության, տարածաշրջանային համագործակցության եւ ԵԱՀԿ-ի ստորաբաժանման տնօրենի պաշտոնակատար Լյուկ Դեվինը կարեւորելով բոլոր փախստականների՝ իրենց տներ վերադառնալու անհրաժեշտությունը, նշեց, որ Եվրամիությանը անհրաժեշտ է ունենալ նախամուտք (access) արցախյան հակամարտության տարածքի ԲՈԼՈՐ ՀԱՏՎԱԾՆԵՐԻ հանդեպ։

Նույն քննարկման ընթացքում Եվրոպական հանձնաժողովի Հարեւանության գծով Գլխավոր վարչության (DG NEAR) գլխավոր տնօրենի տեղակալ Կատարինա Մատերնովան, նշելով, որ Արցախյան կոնֆլիկտի ընթացքում ԵՄ-ն շատ բան չէր կարող անել, սակայն նշեց, որ այժմ, կոնֆլիկտի ավարտից հետո, այդ մասնակցության հնարավորություններն ավելի մեծ են։ Նա հայտնեց, որ Եվրամիությունը պատերազմի հետեւանքների վերացման եւ Արցախի վերականգնման ու զարգացման նպատակով մտադիր է 2021թ․-ին դոնորների համաժողով հրավիրել՝ նշված ծրագրերը ֆինանսավորելու նպատակով։ Դա տեղի կունենա տեղում կարիքների համալիր գնահատելուց հետո։ Ադրբեջանից փորձագետ Լեյլա Ալիեւայի հարցին, թե արդյո՞ք այդ ֆինանսավորումը վերաբերելու է նաեւ Արցախի շուրջ 7 շրջաններին՝ Մատերնովան տվեց խուսափողական պատասխան, ասելով, որ դեռ վաղ է խոսել թե կոնկրետ որ շրջաններին է դա վերաբերելու։

Ուկրաինայից «Անալիտիկա» թերթի գլխավոր խմբագիր Հաննա Շելեստի ուղիղ մեղադրանքին, որ Եվրամիությունը որեւէ միջամտություն չիրականացրեց կանգնեցնելու համար պատերազմն Արցախում, այլ միայն այժմ է մտադրություն հայտնում ներգրավվելու վերականգնման աշխատանքներին, երբ այդ նույն գործով սկսել են զբաղվել Ռուսաստանն ու Թուրքիան, Մատերնովան հակադարձեց, որ Եվրամիությւոնը ՆԱՏՕ չէ, եւ անվտանգության ապահովումը այդ կառույցի խնդիրների թվում չէ եւ նման սպասելիքները ԵՄ-ից հիմնավոր չեն»։