27.03.2026 | 22:30
27 երկրից այցելուներ,հատուկ զեղչեր,բացառիկ գնիջեցումներ․TOON EXPO-ն 6-րդ անգամ անցկացվում է Երևանում
Ստանում ենք տեղեկություններ, որ Վարդենիսի ռեստորաններում ադրբեջանցիներ են ճաշում․ Իվետա Տոնոյան. ՏԵՍԱՆՅՈՒԹ
Քաղաքականություն
08.12.2020 | 17:59
«Ամենատարբեր աղբյուներից մենք այսօր ստանում ենք տեղեկություններ, որ Վարդենիս քաղաքի ռեստորաններից մեկում ճաշում են ադրբեջանցի զինվորականներ՝ քաղաքացիական հագուստով։ Վարդենիսի խանութներում ադրբեջանցի զինվորականներն առևտուր են անում։ ԱԱԾ-ն շտապեց հերքել այդ տեղեկատվությունը, սակայն բոլորս տեսանք, թե մեր պաշտոնական գերատեսչությունների հերքումներն ինչ արժեք ու գին ունեցան մեր համար»,- ԱԺ հայտարարությունների ժամին այս մասին ասաց ԲՀԿ խմբակցության պատգամավոր Իվետա Տոնոյանը։
Նա նշեց, որ Սյունիքի ու Գեղարքունիքի մարզի գյուղացիները դեմ առ դեմ են մնացել ադրբեջանցիների հետ։ «Ես ուզում եմ հասկանալ, թե ո՞րն է լինելու այն վերջակետը, վերջին կաթիլը, որը սթափեցնելու է իշխանություններին»,- նշեց Տոնոյանը։
Պատգամավորը իշխանական պատգամավորներին հորդորեց չխոսել։ «Բարեկամական խորհուրդ, հորդորում եմ չխոսել, որովհետև ձեր խմբակցության ներկայացուցիչներից մեկի այսօրվա հայտարարությունը կրկին դարձել է միջազգային մամուլի ծաղր ու ծանակի առարկա, երբ ընդդիմությանը կոչ են անում Պուտինի հրաժարականը ևս պահանջել, քանզի վերջինս ևս ստորագրել է կապիտուլյացիայի փաստաթուղթը։ Մտեք ռուսական լրատվամիջոցներ և տեսեք, թե փորձագիտական շրջանակներն ինչ գնահատականներ են հնչեցնում ձեր գործընկերոջ մասին»,- նշեց Տոնոյանը։
Մանրամասները՝ տեսանյութում:
