23.11.2024 | 19:00
Այսօր չկան կիրթ մեկենասներ, հայ կոմպոզիտորները ճանաչելի չեն դրսում, պետությունը մեծ անելիք ունի. Սաթյան. ՏԵՍԱՆՅՈՒԹ
Եկեղեցին Հոկտեմբերի 27-ից, Մարտի 1-ից հետո ոչ մեկի հրաժարականը չպահանջեց․Արման Բաբաջանյան. ՏԵՍԱՆՅՈՒԹ
Քաղաքականություն
08.12.2020 | 17:56
Այսօր աննախադեպ բան է տեղի ունեցել. Ամենայն հայոց կաթողիկոսը և Մեծի տանն Կիլիկիո հայրապետը միացել են Նիկոլ Փաշինյանի հրաժարականի կոչին: ԱԺ հայտարարությունների ժամին այս մասին ասաց անկախ պատգամավոր Արման Բաբաջանյանը:
«Ինձ համար տարօրինակը հոգևոր առաջնորդների կողմից հրաժարականի կոչ անելու համար ընտրված օրն է, երբ հրապարակի քաղաքական ուժերը հրաժարականի վերջնագիր ներկայացրին վարչապետին: Նրանք որոշեցին իրենց պահանջը միացնել հրաժարականի պահանջ ներկայացրած քաղաքական ուժերին` ավելի սրելով իրավիճակը, դույզն-ինչ չմտածելով դրա հետևանքների մասին»,- ասաց պատգամավորը՝ ընդգծելով, որ հայրապետները պետք է ոչ թե միանային հրաժարական պահանջողներին կամ դրա հակառակորդներին, այլ հաշտության և համերաշխության օրակարգ պիտի բերեին հրապարակ. «Եկեղեցին իր դրոշը պետք է բարձրացներ` պահանջելով վայր իջեցնել բոլոր կուսակցությունների դրոշները և սկսեր ներհասարակական հաշտեցման գործընթացը»:
«Եկեղեցին Հոկտեմբերի 27-ից հետո, 2004-ի ապրիլի 13-ից հետո, Մարտի 1-ից հետո ոչ մեկի հրաժարականը չպահանջեց. «Ավելին. կանգնեց մեր պետականության ողնաշարը ջարդող պետական այրերի կողքին»:
Պատգամավորի կարծիքով՝ այս իշխանությունը անկասկած պետք է հրաժարական տա, սակայն խորհրդարանական ընտրություններից առաջ մի քանի հիմնարար բարեփոխումներ պետք է իրականացվեն: «Հրապարակի ուժերի իրական թեկնածուն չի կարող օրինական ճանապարհով իշխանության գալ: Նրա մեկ անգամ փորձված հույսը հեղաշրջումն է… Այս խորհրդարանն ընտրած քաղաքացիները որևէ քաղաքական ուժի մանդատ չեն տվել Վազգեն Մանուկյանին կամ Ռոբերտ Քոչարյանին ընտրելու համար: Այս խորհրդարանի առաջ նման պահանջ ներկայացնելը ևս հավասարազոր է հեղաշրջման»:
