09.05.2025 | 18:30
Փաշինյանը պիտի՞ գնար Մոսկվա` մասնակցելու շքերթին․ հարցում Երևանում
Թուրքիայում ձերբակալված ռուս լրագրողներն ազատ են արձակվել․ ՏԱՍՍ
Քաղաքականություն
07.12.2020 | 17:29
Ստամբուլի դատարանը երկուշաբթի ազատ է արձակել ռուսական НТВ հեռուստաալիքի լրագրողներին։ Այս մասին ՏԱՍՍ-ին հայտնել է Ստամբուլի Չագլայան արդարադատության պալատում աղբյուրը։
«Գլխավոր դատախազությանը ցուցմունք տալուց հետո ազատ են արձակվել երկու ռուս լրագրողներ: Նրանց հետ կալանքից ազատ է արձակվել նաև Թուրքիայի քաղաքացի»,- հայտարարել է աղբյուրը:
Հեռուստաընկերության մամուլի ծառայությունից պարզաբանել են, որ լրագրողները մոտ օրերս կարտաքսվեն ՌԴ։
«Ըստ նախնական տեղեկությունների՝ մեր գործընկերները պետք է արտաքսվեն մոտ ժամանակներս: Մանրամասները ճշտում ենք, դեռ պաշտոնական տեղեկատվություն չունենք»,- ասել է ՏԱՍՍ-ի զրուցակիցը:
Հիշեցնենք՝ Թուրքիայում ձերբակալվել էին ռուս լրագրողներ, որոնք, իբր, տեսանկարահանման թույլտվություն չեն ունեցել ու նկարահանումներ են կատարել այն տարածքում, որտեղ Baykar Savunma ընկերությունն արտադրում է ռազմական անօդաչու թռչող սարքեր։
Տաթև Ֆռանգյան
