08.11.2024 | 17:50
Թրամփն ընտրվել է ամերիկացիների կողմից՝ պաշտպանելու նրանց շահերը․ մենք՝ եվրոպացիներս, պատրաստ ենք պաշտպանել մեր շահերը․ Մակրոն
Հնդկաստանում 350 մարդ հոսպիտալացվել է անհայտ ծագման հիվանդության պատճառով․ մահ է գրանցվել․ ՌԻԱ Նովոստի
Քաղաքականություն
07.12.2020 | 10:39
Հնդկաստանի Անդհրա-Պրադեշ նահանգի Էլուրու քաղաքում ավելի քան 350 մարդ հայտնվել է հիվանդանոցում անհայտ ծագման հիվանդության պատճառով, նրանցից մեկը մահացել է, հայտնում է ՌԻԱ Նովոստին՝ հղում կատարելով հնդկական լրատվականներին։
Հիվանդները հոսպիտալացվել են գլխապտույտով, էպիլեպսիայի ախտանիշներով, անսպասելի ուշաթափությամբ, դողով ու բերանից փրփուրի արտահոսքով։
Բժիշկները դեռևս չեն կարողացել պարզել անսպասելի հիվանդության պատճառները, չնայած անցկացրել են արյան անալիզ ու գլխուղեղի համակարգչային տոմոգրաֆիա։ Ողնուղեղի հեղուկի հետազոտությունը ևս նորմալ է եղել։ Ամենայն հավանականությամբ, հիվանդության պատճառը կօգնի պարզել մանրէաբանական հետազոտությունը։
Բժիշկների տվյալներով՝ ավելի քան 180 մարդ արդեն դուրս է գրվել հիվանդանոցից, շուրջ 160-ը դեռևս շարունակում է բուժում ստանալ։
Հիվանդության պատճառը պարզելու համար քաղաք են գործուղվել Հնդկաստանի Սննդի ազգային ինստիտուտի, Քիմիական տեխնոլոգիայի ինստիտուտի և Համահնդկական բժշկական գիտությունների ինստիտուտի բժիշկներից բաղկացած խմբեր:
Տաթև Ֆռանգյան
