25.05.2026 | 00:01
Մայիսի 25-ի վաղ առավոտյան ՀՀ ԶՈւ ավիացիան Երևանի կենտրոնում կատարելու է թռիչք․ ՊՆ
Առաջին անգամ Հայաստանի վարչապետ է մեկնում Դավոսի ֆորումին մասնակցելու. «Փաստ»
12.01.2018 | 08:33
«Փաստ» օրաթերթը գրում է.
Որքան էլ զարմանալի թվա, մինչև այժմ Հայաստանը չի մասնակցել Դավոսի ամենամյա համաշխարհային տնտեսական ֆորումին: Հայաստա՞նն է անտեսել Դավոսին, թե՞ Դավոսը Հայաստանին, համենայն դեպս, մենք այս կառույցի հետ մեծ հաշվով գործ չենք ունեցել: Աշխարհահռչակ այս կառույցի աշխատանքները կսկսվեն հունվարի 22–ից: Առաջին անգամ ֆորումին կմասնակցի Հայաստանի վարչապետ Կարեն Կարապետյանը: Զուտ տնտեսական այս կառույցի շնորհիվ, որին մասնակցում են հանրահայտ գործարարներ ու շատ երկրների նախագահներ ու վարչապետեր, նաև քաղաքական կարևոր հանդիպումներ են լինում: Օրինակ 1994–ին ֆորումում առաջին անգամ հանդիպեցին Իսրայելի արտգործնախարար Շիմոն Պերեսն ու Պաղեստինի նախագահ Յասեր Արաֆաթը: 1992–ին՝ ՀԱՀ նախագահ Ֆրեդերիկ Վիլհելմ դե Քլերկը և Նելսոն Մանդելան ու Մանգոսուտու Բուտելեզին: Իսկ ավելի վաղ՝ 1998–ին «Դավոսի հռչակագրով» դադարեցվեց պատերազմը Թուրքիայի և Հունաստանի միջև:
Թե ինչո՞ւ են մերոնք անտեսել միջազգային այս հեղինակավոր ֆորումի դերակատարությունը, դժվար է ասել: Շատ երկրներ միջազգային խոշոր տնտեսական պայմանագրեր են կնքել ու կյանքի կոչել հենց Դավոսի շնորհիվ:
Ինչևէ, մեր վարչապետն առաջին անգամ այնտեղ կներկայացնի Հայաստանը:
Առավել մանրամասն՝ թերթի այսօրվա համարում:
