Հանրային խորհրդի անդամները հանդիպել են ՀՀ վարչապետի հետ. հարցերի ինչ շրջանակ է քննարկվել

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Դեկտեմբերի 1-ին Հանրային խորհրդի շուրջ 2 տասնյակ անդամներ Խորհրդի նախագահ Ստյոպա Սաֆարյանի հետ միասին հանդիպել են ՀՀ վարչապետ Նիկոլ Փաշինյանի հետ։
Հանդիպման օրակարգում եղել է մի քանի տասնյակ հարցերի լայն շրջանակ, որոնք վերաբերել են Արցախյան պատերազմի ու դրա արդյունքների ռազմաքաղաքական պատճառներին (մինչև պատերազմն ու դրա ընթացքում Արցախյան խնդրով բանակցային գործընթացում սեղանին դրված առաջարկությունները, Հայկական բանակի սպառազինության, ընդհանուր մոբիլիզացիայի, հրամանատարության, պատերազմի ընթացքում կառավարության ու պաշտպանական գերատեսչությունների իրականացրած հանրային հաղորդակցության, պատերազմի ղեկավարման ու դրանից հետո հետաքննության անհրաժեշտության և առկա բացթողումների վերացման հարցեր), պատերազմից հետո ստեղծված անվտանգային (եռակողմ հայտարարությամբ Հայաստան-Արցախ-Ադրբեջան սահմանազատման գործընթացներ ու անորոշություններ, տարածաշրջանային ճանապարհների ապաշրջափակմանն ու հատկապես Սյունիքով Ադրբեջան-Նախիջևան կամ Ադրբեջանի տարածքով Հայաստան-Ռուսաստան ճանապարհային հաղորդակցությանը և այլնին վերաբերող), քաղաքական (ներքաղաքական իրավիճակ, կառավարության փոփոխության, ազգային համաձայնության կառավարության ձևավորման և/կամ արտահերթ ընտրությունների և այլ հարցեր), հումանիտար (ի մասնավորի՝ գերիների և զոհվածների դիերի փոխանակման գործընթացի արագացմանը, դրա զգայունություններին, օբյեկտիվ ու սուբյեկտիվ խոչընդոտներին վերաբերող հարցերը), ձևավորված սոցիալ-տնտեսական հետևանքներին (բյուջեի համապատասխանություն պատերազմի բոլոր հետևանքների վերացմանն ու զարգացման ծրագրերի ներառում), բնականոն հասարակական-տնտեսական կյանքի վերականգնման համար կենսական անհրաժեշտություն համարվող ծրագրերի (արդյունաբերության և հատկապես ռազմարդյունաբերության զարգացում, ինչպես նաև՝ ՀՀ վարչապետի և կառավարության հրապարակած ճանապարհային քարտեզով նախանշված քայլերի իրականացում), ուշացված կամ դեռևս չմեկնարկած բարեփոխումների (մասնավորապես դատական համակարգի, ընտրական օրենսդրության, հանրային կառավարման ու կրթության ոլորտներում), Հայաստանի արտաքին ու միջազգային քաղաքականություններին ու արտաքին աշխարհի հետ հաղորդակցությանը։
Հանդիպմանը մասնակցող ՀԽ գրեթե բոլոր անդամները վերոնշյալ հարցերը բարձրացնելուց զատ հանդես են եկել դրանց լուծմանն ուղղված իրենց դիտարկումներով, քննադատություններով և/կամ առաջարկություններով, ինչին արձագանքել է ՀՀ վարչապետը՝ յուրաքանչյուր դեպքում ներկայացնելով կառավարության գնահատականներն իրավիճակին՝ տեղեկություններ հայտնելով արվող քայլերի կամ իշխանության ներսում այդ հարցերի լուծման ուղղությամբ ընթացող քննարկումների ու մոտեցումների մասին։

Մտքեր են փոխանակվել ներքաղաքական լարված իրավիճակի հանգուցալուծման ուղիների, տնտեսական և քաղաքական արմատական վերափոխումների, Կառավարության կադրային քաղաքականության սկզբունքային հարցերի մասին։

Անկախ ներքաղաքական ու ներհասարակական իրավիճակի հանգուցալուծման որդեգրվելիք ճանապարհից, այդ կապակցությամբ հնչած տարբեր մոտեցումներից (Կառավարության կողմից ճանապարհային քարտեզի իրականացում, թե արտահերթ լուծումներ, որոնցից յուրաքանչյուրն ունի թե՛ ռիսկեր, թե՛ հնարավորություններ)՝ առկա է երկուստեք ըմբռնում, որ բոլոր խնդիրների լուծման համար կարևոր է Հայաստանի ու Արցախի անվտանգային ու ներքին միջավայրերի կայունացումը։ Փոխադարձաբար ընդգծվել է ներհասարակական համերաշխության անհրաժեշտությունը, Կառավարություն-հասարակություն արդյունավետ հետադարձ կապի ամրապնդման կարևորությունը։

Հանրային խորհրդի անդամներն անհրաժեշտ են համարել Կառավարության բարեփոխումների մշակման և իրագործման հարցերում այդ կառույցի փորձագիտական ներուժի օգտագործումը և հասարակության շահառու խմբերի հետ համագործակցությունը։

Հանրային խորհրդի այլ անդամներ մինչ այդ այլ ձևաչափերով ներկա են եղել հանդիպումների ՀՀ վարչապետի հետ, որոնց մասին հանրությունը տեղյակ է Կառավարության տրամադրած հաղորդագրություններից։

 

Հանրային խորհրդի քարտուղարություն