02.11.2024 | 20:53
Բացվեց «Լույսեր» բնակելի համալիրը՝ կանաչապատ բակերով և նորարար լուծումներով. ՏԵՍԱՆՅՈՒԹ
Հայաստան բերված որևէ հիվանդ կենդանի չունենք այս պահի դրությամբ․ ՍԱՏՄ ղեկավար. ՏԵՍԱՆՅՈՒԹ
Տնտեսություն
01.12.2020 | 12:17
«Հոկտեմբերի 11-ից սկսած՝ իմ նախաձեռնությամբ հրավիրվեցին անասնաբույժներ՝ տարբեր ոլորտներից՝ գիտական, կրթական, ՀԿ-ներից, ինչպես նաև հրավիրվեցին Էկոնոմիկայի նախարարության աշխատակիցներ, և ստեղծեցինք աշխատանքային պլան, որով պետք էր շարժվել պատերազմական ժամանակահատվածում՝ հաշվի առնելով, որ Արցախից Հայաստան բերվող կենդանիները կարող էին հիվանդ լինել և կարող էին նաև կենսաբանական դիվերսիաներ տեղի ունենալ»,- այսօր հրավիրված ասուլիսում ասաց Սննդամթերքի անվտանգության տեսչական մարմնի ղեկավար Գեորգի Ավետիսյանը:
Արցախից Հայաստան կենդանիների և մսամթերքի տեղափոխման գործընթացի հետ կապված վերահսկողական աշխատանքների արդյունքներն ամփոփելով՝ Ավետիսյանը նշեց, որ ոստիկանության և Սյունիքի մարզպետարանի հետ համագործակցելով՝ ճանապարհային կետերում մասնագետներն իրականացնում էին հետազոտություն, թե ինչքան և ինչ կենդանիներ են բերվում ՀՀ տարածք և իմանալով, թե ուր էին տարվում, մասնագետները իրականացնում էին անասնաբուժական միջոցառումներ,այդ թվում նաև պատվաստումներ:
«Համատեղ և օպերատիվ միջոցառումները հնարավորություն տվեցին զերծ մնալ անասնահամաճարակներից, այս պահի դրությամբ Հայաստան բերված որևէ հիվանդ կենդանի չունենք»,- նշեց ՍԱՏՄ ղեկավարը:
Մանրամասները՝ տեսանյութում:
