09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Պոտենցիալ մարդասպաններ ենք աճեցնում անպատժելիության այս մթնոլորտում. Արսեն Պետրոսյանը՝ Ճվճվ Արոյի որդու մասնակցությամբ ավտովթարի մասին
Հասարակություն
10.01.2018 | 16:39
Ես ուզում եմ անդրադառնալ այդ ամեն ինչը ծնող պատճառին, արտասահմանյան համարանիշներով մեքենաների անպատժելի երթևեկությանը հանրապետությունում և Երևան քաղաքում. լրագրողների հետ հանդիպմանն ասաց «Դուրս մեր գրպանից» նախաձեռնության անդամ Արսեն Պետրոսյանը՝ խոսելով ճանապարհային ոստիկանության կողմից «արտոնյալ» վարորդների անպատժելիության հետևանքներից:
«Բագրատաշենից մտնում են ներս՝ լինի տրանզիտ համարներով, թե արտասահմանյան տարբեր երկրների, նաև՝ պարսկական, ուղղակի դիտավորյալ, արագաչափերը «հաշվելով» տարբեր խախտումներ են անում: Եթե մարդիկ անպատժելիություն են նկատում, դառնում են անկառավարելի ու իրենք իրենց էլ չեն կառավարում»,- ասաց Պետրոսյանը:
Ապա դիմելով ՀՀ ճանապարհային ոստիկանության պետին, առաջարկեց օրենքում փոփոխություն իրականացնել: «Պոտենցիալ մարդասպաններ ենք աճեցնում անպատժելիության այս մթնոլորտով»,- ասաց «Դուրս մեր գրպանից» նախաձեռնության անդամը՝ խոսելով Ճվճվ Արոյի որդու մասնակցությամբ մահվան ելքով խոշոր ավտովթարից:
Մանրամասները՝ տեսանյութում:
