09.02.2026 | 22:17
Արագածի տարածաշրջանում ձյուն է տեղում
Ունենք սահմանափակումներ, որոնց կարիքը չկա. ԼՀԿ-ն առաջարկում է վերացնել ռազմական դրությունը. ՏԵՍԱՆՅՈՒԹ
Քաղաքականություն
26.11.2020 | 11:45
ԱԺ-ն արտահերթ նիստում քննարկում է երկրում սեպտեմբերի 27-ից հաստատված ռազմական դրությունը վերացնելու հարցը։ «Ռազմական դրությունը վերացնելու մասին» նախագիծը, որը ներկայացրել է «Լուսավոր Հայաստան» խմբակցությունը:
2020թ. սեպտեմբերի 27-ին թուրք-ադրբեջանական տանդեմը ագրեսիա սկսեց Արցախի դեմ, և այդ իրավիճակում ՀՀ կառավարությունը հայտարարեց ռազմական դրություն՝ հետևյալ հիմնավորմամբ. հիմք ընդունելով այն, որ Ադրբեջանի Հանրապետության զինված ուժերի ձեռնարկած գործողությունների արդյունքում առկա է Հայաստանի Հանրապետության վրա զինված հարձակման և Հայաստանի Հանրապետության տարածք ներխուժելու անմիջական վտանգ, ինչը սպառնում է Հայաստանի Հանրապետության ինքնիշխանությանը, անվտանգությանը, տարածքային ամբողջականությանը և դրանով պայմանավորված՝ քաղաքացիների ու բնակչության կյանքին ու անվտանգությանը, և այդ հանգամանքների վերացումն անհնարին է առանց արտակարգ միջոցներ ձեռնարկելու»,- նշեց «Լուսավոր Հայաստան» խմբակցության քարտուղար Գևորգ Գորգիսյանը՝ հավելելով, որ նոյեմբերի 9-ին կնքվեց կապիտուլյացիայի հայտարարություն, որով ավարտվեցին ռազմական գործողությունները, և այժմ ռազմական դրությունը շարունակելու անհրաժեշտություն չկա։ Պատգամավորը նաև ընդգծեց, որ կան սահմանափակումներ, որոնց անհրաժեշտությունն այլևս չկա:
Հիշեցնենք, որ երեկ ՀՀ ԱԺ պաշտպանության և անվտանգության հարցերի մշտական հանձնաժողովի նիստում քննարկվեց «Լուսավոր Հայաստան» խմբակցության առաջարկված «Հայաստանում ռազմական դրությունը վերացնելու մասին» օրենքի նախագիծը. հանձնաժողովի իմքայլական անդամները դեմ քվեարկեցին օրինագծին։
Մանրամասները՝ տեսանյութում:
