01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Շվեյցարիայում դանակով զինված կինը հարձակվել է սուպերմարկետի այցելուների վրա․ կան վիրավորներ
Քաղաքականություն
25.11.2020 | 12:14
Շվեյցարիայի հարավում գտնվող Լուգանո քաղաքի սուպերմարկետներից մեկում դանակով զինված կինը հարձակվել է այցելուների վրա՝ վիրավորելով երկու կնոջ, գրում է BBC-ն։
Ոստիկանությունից հայտնել են, որ նա փորձել է խեղդել այցելուներից մեկին, ինչպես նաև դանակով հարվածել է մեկ այլ այցելուի պարանոցին: Բարեբախտաբար, խանութի աշխատակիցներին հաջողվել է կանգնեցնել նրան։ Կինը ձերբակալված է՝ ահաբեկչության մեղադրանքով։
Ենթադրվում է, որ զոհերից մեկը ունի լուրջ, բայց կյանքին վտանգ չսպառնացող վնասվածքներ, իսկ մյուսը թեթև վիրավոր է:
Տեղեկացվում է, որ ձերբակալված 28-ամյա կասկածյալը հայտնվել էր դաշնային ոստիկանության տեսադաշտում դեռևս 2017 թվականին, «ջիհադիստական ահաբեկչության» հետաքննության շրջանակում։
Տաթև Ֆռանգյան
