Քաղաքականություն
09.01.2018 | 13:28Մենք տեսնում ենք, որ թեմաները, որոնք քննարկվում են, չեն վերաբերում ԼՂՀ հիմնահարցի կարգավորմանը։ Մինսկի խումբը վաղուց զբաղված է ոչ թե կոնֆլիկտի կարգավորմամբ, այլ մենեջմենթով, և դա կշարունակվի. այսօր լրագրողների հետ հանդիպմանն ասաց քաղաքագետ Ալեքսանդր Իսկանդարյանը․ «Նախագահների, նախարարների հանդիպումները բռնությունները կանխելու փորձեր են, պետք չէ սպասել, որ որևէ բան կփոխվի»։
Քաղաքագետը, սակայն, չի կարծում, որ առաջիկայում հնարավոր է պատերազմ վերսկսվի․ «Խոսակցությունները, որ մեծամասշտաբ պատերազմ է լինելու, ուղղակի լրագրողական պղպջակներ են: Իսկ այն հարցում, թե ինչպիսին կլինի իրավիճակը սահմանին, կլինի էսկալացիա, ինչքան կլինի ճնշումը, ինչպես այն կիրականանա, ասելն ինձ համար դժվար է, քանի որ կախված է նրանից, թե ինչպես կաշխատեն գերտերությունները, մենք ինքներս, ինչպիսին կլինի իրավիճակը Ադրբեջանի ներսում»,- նշեց նա։
Մանրամասները՝ տեսանյութում
