16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
«Հայաստան-Վրաստան հաղորդիչ գիծ/ենթակայաններ» ծրագիրը կշարունակվի․ ԱԺ-ն վավերացրեց ժամկետը երկարաձգող նամակ-համաձայնագիրը
Տնտեսություն
19.11.2020 | 13:18
Ազգային ժողովը արտահերթ նիստում վավերացրեց Կառավարության ներկայացրած Հայաստանի Հանրապետության և Վերականգնման վարկերի բանկի միջև 2020 թվականի հուլիսի 1-ին ստորագրված «Կովկասյան էլեկտրահաղորդման ցանց III (ծրագրի 2-րդ փուլ). Հայաստան-Վրաստան հաղորդիչ գիծ/ենթակայաններ վարկային նամակ-համաձայնագիրը»: Այսպիսով առաջարկվում է երկարաձգել մասհանումների ժամկետը։
Տարածքային կառավարման և ենթակառուցվածքների փոխնախարար Հակոբ Վարդանյանն ընդգծեց, որ սա առաջին հերթին անվտանգային խնդիր է ապահովում:
Փոխնախարարը հիշեցրեց, որ Հայաստանի էներգետիկ համակարգը սինխրոն կապով միայն Իրանի Իսլամական Հանրապետության հետ է կապված, և ցանկացած ցնցում իրանական և հայկական էներգահամակարգերի միջև ծանր հետևանքների կհանգեցնի:
Նրա խոսքով՝ ծրագիրը Իրան-Հայաստան 3-րդ էլեկտրահաղորդման գծի տրամաբանական և ֆիզիկական շարունակությունն է:
«Ծրագրի իրականացման ընթացքում պետք է կառուցվեն էլեկտրահաղորդման գծեր՝ Դդմաշեն գյուղից մինչև Այրում, Այրումում պետք է կառուցվի բարձր լարման հոսանքի փոխակերպիչ կայան, Դդմաշենում՝ ենթակայան, այնուհետև Այրումից էլեկտրահաղորդման գիծ՝ դեպի Վրաստան: Ծրագիրը կասեցվել էր, քանի որ նախորդ կառավարությունը տեսականորեն հնարավորություն էր տեսել առանց փոխակերպիչ կայանի միացումը՝ վրացական և ռուսական էներգոհամակարգերին, այսինքն սինքրոն կապի միջոցով»,- ասաց Վարդանյանը:
Նամակ-համաձայնագիրն ընդունվեց 71 ձայնով:
Հիշեցնենք, որ այն արդեն մի անգամ` հոկտեմբերի 27-ին, չէր ընդունվել հերթական նիստերի ժամանակ:
