01.07.2026 | 10:55
Կատարի ԱԳ նախարարը Դոհայում հանդիպել է ԱՄՆ բանագնացներին․ սպասվում է Կատար-Իրան հանդիպումը
Լենա Նազարյանին անվտանգության աշխատակից են տրամադրել, ընդդիմադիրներին՝ ոչ. Մարուքյան. ՏԵՍԱՆՅՈՒԹ
Քաղաքականություն
19.11.2020 | 11:08
Երեկ Նիկոլ Փաշինյանի աջակիցների ցույցի մասնակցիներից մեկը սպառնում էր, որ մարդկանց տներ են գրավելու, և այդ մարդկանց անուններում կար նաև իմ անունը։ Ես դեռ նոյեմբերի տասից եմ խոսում այդ մասին, որ մենք ահավոր սպառնալիքներ ենք ստանում: Այս մասին ԱԺ ճեպազրույցի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը։
Պատգամավորը նշեց, որ ԶՈՒ համազգեստով մարդիկ սպառնում են, որ մտնելու են մարդկանց տներ, գրավելու են դրանք։ «Այսօր հանցագործության մասին հաղորդում ենք ներկայացնելու։ Բայց նաև ուզում եմ հրապարակային ասել, որ երկրում տիրրող այս անիշխանությանը, երբ ով ում ինչ ուզում ասում է, ով ում ոնց ուզում սպառնում է, ով ում ուզում ծեծում է, պետք է վերջ դրվի… Ասենք երեք երեխայի հայր եմ, զինված մարդն ուզում է մեր տունը գրավի»,- նշեց ԼՀԿ ղեկավարը։
Էդմոն Մարուքյանը նկատեց՝ իմքայլական պատգամավոր Լենա Նազարյանը գովում է Փաշինյանի աջակիցներին, քանի որ իրեն անվտանգության աշխատակիցներ են հսկում, իսկ ընդդիմադիր որևէ գործիչի որևէ անվտանգություն չի տրամադրվում, թեև ինքը ոստիկանապետին դեռ նոյեմբերի 11-ին է հայտնել՝ իր հասցեին հնչած սարսափելի սպառնալիքների մասին։
Մանրամասները՝ տեսանյութում:
