02.03.2026 | 14:33
Էդուարդ Սպերցյանն արձագանքել է «Կրասնոդարից» հեռանալու մասին լուրերին
Կրասնոդարի երկրամասում կազակ ատամանը 2 հայի է սպանել
Քաղաքականություն
08.01.2018 | 14:59
Կրասնոդարի երկրամասի Լադոժսկայա բնակավայրի «Օգոնյոկ» սրճարանում զինված տղամարդը կրակահերթ է բացել, ինչի արդյունքում սպանվել են տեղի հայ համայնքի երկու ներկայացուցիչներ՝ Ռոման Սիրակոսյանը և Արտյոմ Միրզոյանը, ինչպես նաև երկրամասի գնչուական համայնքից Նիկոլայ Կուզմենկոն. տեղեկացնում է rusarminfo.ru-ն:
Երեք տղամարդու սպանության մեջ կասկածյալը ձերբակալվել է տաք հետքերով: Նա կազակական համայնքի ատաման, 33-ամյա Ալեքսանդր Սիտավիչուսն է:
Տեղի պարբերականերից մեկի հաղորդմամբ՝ 2017 թ. դեկտեմբերի 31-ին տեղի ունեցած միջադեպից հետո բնակավայրում իրավիճակը սրվել է, ինչի առնչությամբ Ուստ-Լաբինսկի շրջանի ղեկավար Նիկոլայ Արտյուշչենկոն հանդիպել է հայկական և գնչուական համայնքների ներկայացուցիչների հետ ու քննարկել ազգամիջյան տարաձայնությունները կանխելու միջոցները:
Սպանության կասկածանքով ձերբակալված Ալեքսանդր Սիտավիչուսը մեկուսարանում է:
Սպանության պատճառները պարզելու համար հետաքննություն է անցկացվում:
